தொழில் முறை டிவிடி உருவாக்கம் பகுதி 11

படங்களை முழுவதும் காண படத்தினை க்ளிக் செய்து காணவும்

அடுத்து சப்டைட்டில் எவ்வாறு சேர்ப்பது என்று காண்போம்


கீழே உள்ள படத்தினை கவனியுங்கள்

மேலே உள்ள படத்தில் ஒரு மூவிக்குரிய பகுதி காட்டப்பட்டுள்ளது இதைபற்றி ஏற்கனவே படித்துள்ளோம்.




முதல் பகுதி- வீடியோவிற்கு 


இரண்டாவது பகுதி - ஆடியோவிற்கு


மூன்றாவது பகுதி - 


சப்டைட்டில்க்கு அதாவது ஏபிசி என்று குறிப்பிட்டிருக்கும் பகுதி , ஒரு மூவிக்கு 99 சப்டைட்டில் வரை இணைக்கலாம். ஏபிசி என்பதற்கு அருக்கில் இருக்கும் பட்டன் மொழிக்குறிய பட்டன் ஆடியோவிலே இதைபற்றி நிறைய சொல்லிவிட்டேன் அதே பயன்பாடுதான் இங்கேயும் அதாவது சப்டைட்டிலின் மொழியை அறிய பயன்படுகிறது இதற்கு ரிமோட்டில் உள்ள பட்டன் உதவும். நீல வண்ணத்தில் கட்டமிடப்பட்டிருக்கும் en என்பதற்கு அருகில் உள்ள கட்டத்தில் டபுள் க்ளிக் செய்தால் சப்டைட்டில் உருவாக்கும் திரை தோன்றும் கீழே வரும் படத்தினை பாருங்கள்.

மேலே படத்தில் இருப்பது சப்டைட்டில் உருவாக்கும் திரை இதிலே சிகப்பு வண்ணத்திலே கட்டமிட்டு எண் இட்டுள்ளேன் அவற்றை காண்போம்.


ஒவ்வொரு எண்ணிற்கு உரிய விளக்கங்கள்


1.ஸ்டார்ட் - ஸ்டாப் எனும் இடத்தில் டைம்கோட் காட்டப்படும் உங்களுடைய வீடியோவின் வாய் அசைவினை கவனித்து அந்த இடங்களின் ஆரம்ப மற்றும் முடிவு நேரத்தை குறித்து இங்கு கொடுக்க வேண்டும்.


உதாரணமாக : ஒரு வசனம் வருகிறது.


“நிலவொன்று கண்டேன் என் ஜன்னலில்”


இதற்குறிய ஆங்கில (அல்லது உங்களுக்கு எந்த மொழி வேண்டுமோ அந்த மொழிபெயர்ப்பு) மொழிபெயர்ப்பை செய்துகொண்டு இந்த வசனம் எந்த இடத்தில் ஆரம்பம் ஆகிறது என்று பார்க்க டைம்லைன்(வீடியோவிற்குரிய பகுதி) கொண்டு சரிபார்க்கம் அதை குறித்துக்கொண்டு இங்கே பேச ஆரம்பிக்கும் நேரம் அந்த வசனம் முடிய வேண்டிய நேரம் போன்றவற்றை கொடுக்க வேண்டும்.


fade in , fade out - 0 விலே வைத்துவிடுங்கள் அதாவத் ஒரு சப்டைட்டில் வசனம் முடிந்த அடுத்த வசனம் தோன்ற அல்லது முடியும் பொழுது கொஞ்சமாக மங்கி மறையும் நிலை இது அவ்வாறு கொடுத்தால் நன்றாக இருக்காது எனவே 0 விலே இருக்கட்டும்.


2.போர்ஸ் டூ டிஸ்ப்ளே - சப்டைட்டில் மெனுவிலே அல்லது ரிமோட்டிலே தேர்ந்தெடுக்காமல் ஆட்டோமேட்டிக்காக ஓடும் வண்ணம் செய்ய இந்த பட்டனை க்ளிக் செய்திருக்க வேண்டும். சப்டைட்டிலை வாட்டர் மார்க்காக கூட பயன்படுத்தலாம் அதற்கு இந்த போர்ஸ் டூ டிஸ்ப்ளே உதவும்.


3.சப் டைட்டிலை நீங்கள் பிட்மேப்(பிஎம்பி) பைலாக மாற்றி வைத்துக்கொண்டும் இங்கே இணைக்கலாம் அதற்குரிய வசதியே இது


4.டெக்ஸ்ட் - இது நேரடியாக மேஸ்ட்ரோவிலே சப்டைட்டில் தட்டச்சு செய்யும் முறை இந்த பெட்டியினுள் தட்ட வேண்டும் உள்ளீடு செய்யும் பொழுது பக்கத்தில் கறுப்பு வண்ணத்திரை(வீடியோ இணைக்கபட்டிருந்தால் வீடியோ தெரியும் பின்புலத்தில்)யில் நீங்கள் தட்டும் எழுத்துக்கள் தெரியும். safe area தாண்டி செல்லா வண்ணம் வரிகளை மடக்கி தட்டச்சவும்.


உதாரணம் படத்திலே உள்ளது அதன் வெளியீடை 7 என்று குறிக்கப்பட்டிருக்கும் இடத்தில் காணலாம்.


5.இங்கே எழுத்துரு வகை , அளவு , போல்ட், இட்டாலிக் போன்ற வகை உள்ளது அதனை தேர்ந்தெடுத்து உங்களுடைய விருப்ப பாண்ட் , மொழியை அமைக்கலாம். ஆங்கிலத்திற்கு என்னுடைய தேர்வு ஏரியல் அது தான் கண்ணை உருத்தாது.


6.நாம் உள்ளீடு செய்யும் எழுத்து எந்த பகுதியில் அதாவது ஸ்க்ரீனில் எந்த பாகத்தில் தோன்ற வேண்டும் என்று அமைக்க இந்த பகுதி உதவுகிறது. நம்முடைய தமிழ் மொழிப்படங்களில் பொதுவாக கீழ் பகுதியில் மட்டுமே சப்டைட்டில் காட்டப்படுகிறது. ஒரிஜினல் ஆங்கிலப்படங்களில் பேசும் ஏரியாவிற்கு தகுந்தார் போல சப்டைட்டில் அமைக்கப்படுகிறது.


7. முன்னரே சொன்னது போல வெளியீடை காட்டும் திரை.


சப்டைட்டில் பெரிய வசனம் என்றால் ஒரே பக்கத்தில் முடியா பட்சத்தில் அடுத்த பக்கதிற்கு செல்லும் பொழுது முன்னால் ..... இந்த வாறு சேர்த்துக்கொள்ளுதல் நன்றாக இருக்கும். பாடல்களுக்கு இட்டாலிக் முறையும். வசனங்களின் பின் புலத்தில் பாடல்கள் வரும் பொழுது அதாவது இப்பொழுது உள்ள படங்களில் பழைய இளையராஜா பாடல்களை பயன்படுத்துவது போல அவ்வாறு வரும் பொழுது தமிழரியாதவர் இரண்டையும் வேறுபடுத்தி காண பாடல்களுக்கு இட்டாலிக் மற்றும் வரியின் ஆரம்பத்தில் மியுசிக்கல் நோட் சிம்பளையும் சேர்ப்பது நலம்.


இது தான் பெரிய வேலை டிவிடியை பொருத்த வரையும் ஒவ்வொரு வசனத்தையும் பொறுமையாக தட்டச்சு செய்ய வேண்டும்.


அடுத்த பகுதியில் முடிவடையும் அதன் பிறகு அடுத்த தொடர் ஒளிப்படத்தொகுப்பு பற்றி ...


பிடிச்சிருந்தா ஓட்டுப்போடுங்க