தொழில் முறை டிவிடி உருவாக்கம் பகுதி 5

சென்ற 4 பகுதிகளாக அறிமுகம் மற்றும் வீடியோ /ஆடியோ மாற்றியைப்பற்றி பார்த்தோம். இன்று மெனு க்கள் பற்றி பார்ப்போம்.

ஒரு டிவிடிக்கு மெனுக்கள் மிகவும் தேவை , எத்தனை மெனு வேண்டுமானாலும் அமைத்துகொள்ளலாம்(99 வரை). மெனுக்களின் வாயிலாக டிவிடியில் இருக்கும் சிறப்புகளை பயன்படுத்திக்கொள்ள முடியும்.

உதாரணமாக,

சப்டைட்டில் எனப்படும் வசன மொழிபெயர்ப்பை வேண்டிய மொழியில் தெரிவு செய்து கொள்ளும் வகையில் செய்யலாம்.

ஆடியோ ஆப்சன்களை மாற்ற அதாவது ஒரு டிவிடியில் உள்ள வீடியோவின் ஆடியோவை AC3 , Dts , Pcm போன்ற வகை ஆடியோக்களை இனைத்து உங்களுக்கு தேவையான ஒலிக்கோப்பை இயக்குமாறு செய்யலாம்.

வீடியோவினை பகுதிவாரியாக பிரித்து சாப்டர் வைத்து தேர்தெடுக்க.

பாடல்களை மட்டும் காண

இப்படி நிறைய ஆப்சன்களை இந்த மெனுக்களின் வாயிலாக பயன்படுத்த இயலும்.

பொதுவாக மெனுக்களில் இரண்டு வகை
1.நிலையான மெனு - அதாவது மெனுவின் பின்புறம் ஒரு அசையா படம் இருக்கும் static menu
2.Animated menu - அதாவது பின்புலத்தில் நகரும் அசைபடத்தினை வைத்திருப்பது.

இந்த அசை பட மெனுவினை அவரவர் ரசனைக்கேற்ப உருவாக்கி கொள்ளலாம் அதற்கு ஏதேனும் வீடியோ எடிட்டிங் மென்பொருட்களை பயன்படுத்தலாம்.

அசையா மெனுக்களை உருவாக்க போட்டோஷாப்பை பயன்படுத்தலாம்

நம்முடைய மேஸ்ட்ரோவில் ஏற்றுக்கொள்ளும் பார்மட் bmp முறை

மேஸ்ட்ரோவில் ஒரு மெனுவில் இரண்டு பாகங்கள் உள்ளன,
1.பின்புலம் படம்(background image)
2.துணை ப்படம்(sub picture)

1.பின்புலம் - சினிமா என்றால் அந்த படத்தின் நடிகர்/நடிகையர் உருவம் படத்தின் பெயர் மற்றும் அந்த மெனுவில் செய்யப்போகும் வேலை போன்றவற்றை உள்ளடக்கியது
2.துனைப்படம் - மெனுக்களை தேர்ந்தெடுக்க உதவும் பட்டன்களை அமைக்க உதவுகிறது.

போட்டோஷாப்பில் new என்பதில் preset size ல் 720 X 540 std ntsc 601 எனும் அமைப்பை தேர்ந்தெடுக்கம் கீழ்வரும் படத்தில் உள்ளது போல்

தேர்ந்தெடுத்த உடன் தோன்றும் திரையில் மெனுவில் சேர்க்க வேண்டிய விசயங்களை சேர்த்துக்கொள்ளுங்கள் உங்கள் ரசனைக்கேற்ப.

உதாரணத்திற்கு பின் வரும் மெனுவை பாருங்கள்

மேலே உள்ள படத்தில் காணப்படுவது ஒரு சிம்பிள் மெனு இதிலே 3 ஆப்சன்களை வைத்துள்ளேன் movie , songs , audio இந்த மெனுவிலே மூவி என்பதை க்ளிக் செய்த உடன் எனக்கு படம் ஓடனும் , சாங்க்ஸ் என்பதை தேர்வு செய்த உடன் பாடல்களை தேர்வு செய்யும் அடுத்த மெனு தோன்ற வேண்டும். ஆடியோவை தேர்வு செய்த உடன் ஆடியோ தேர்வு செய்யும் மெனு தோன்ற வேண்டும். இது தான் பின்புல மெனு background image இதனை சேமிக்கும் பொழுது bmp யாக சேமிக்க வேண்டும் எனவே save As எனும் ஆப்சன் சென்று bmp யை தேர்வு செய்து ஏதேனும் பெயர் கொடுத்து சேமியுங்கள்

 இந்த மெனு interactive ஆக இருக்க வேண்டும்.அதனை செய்ய இங்கு பட்டன் கள் தேவைப்படுகிறது. அந்த பட்டன்களை உருவாக செய்யப்போவதே sub picture தேர்வு.

பின் வரும் படத்தினை பாருங்கள்

மேலெ உள்ள படத்தில் காணப்படும் இதய வடிவிலான பகுதியே பட்டன்கள் உருவாக்க்க தேவைப்படும் sub picture கள். இதனை தனி லேயரில் போட்டோ ஷாப்பில் உருவாக்கி வைத்துக்கொள்ளுங்கள் , இதனை சேமிக்கும் பொழுது இந்த லேயர்களை மட்டும் enable வைத்துக்கொண்டு மற்றவற்றை disable செய்து விடுங்கள் , பின் வரும் படத்தினை பாருங்கள்

சேமிக்கும் பொழுது bmp வகையாக சேமியுங்கள் (மெனுவின் பெயரோடு சப்பிக்சர் எனும் பெயர் சேர்த்து செய்தால் எளிதாக அடையாளம் காண இயலும்)

அம்புட்டுதான் ஒரு சிம்பிள் மெனு உருவாக்கும் வேலை , இதே போல உங்களுக்கு தேவையான மெனுக்களை முன்னரே திட்டமிட்டு உருவாக்கி வைத்துக்கொள்ள வேண்டும். இது நிலையான மெனு

அனிமேட்டட் மெனுவினை ஒரு வீடியோ உருவாக்குவது போல உருவாக்கி கொள்ள வேண்டும் டைம்லைனில் வைத்து. கடைசி ஒரு 20 செகண்டுகளை நகராதபடி செய்து கொள்ள வேண்டும் அப்ப தான் யுசருக்கு எரிச்சல் ஏற்படாமல் இருக்கும்.

முன்குறிப்பு - அதாவது முன்னாடி போட்ட படத்தின் குறிப்பு அந்த பொண்ணு என்னனு யாருக்காச்சும் சந்தேகம் வரலாம் அந்த புள்ள பேரு சலோனி.