தொழில் முறை டிவிடி உருவாக்கம் பகுதி 10

சென்ற பகுதியில் மெனுக்கள்-வீடியோவுடன் ஒருங்கினைக்கப்படும் கனெக்சன்ஸ் பற்றி பார்த்தோம். இன்று அடுத்த கட்டத்திற்கு செல்வோம்.

அடுத்து பார்க்க இருப்பது ஒரு டிவிடி புராஜக்ட்டின் பிராப்பர்டீஸ் மேலே படத்தில் காட்டப்பட்டிருப்பது போல புராஜக்ட்டின் பெயர் உள்ள இடத்தில் ரைட்க்ளிக் செய்து தோன்றும் மெனுவில் கடைசியாய் உள்ள ப்ராபர்டீஸ் எனும் தேர்வை தேர்ந்தெடுத்தால் கீழே படத்தில் காணும் திரை தோன்றும்.

இதில் ஜெனரல் டேபின் கீழ் 3 விசயங்கள் குறிப்பிட்டுள்ளேன்

1.டிவி சிஸ்டம் - நமக்கு ஏற்ற சிஸ்டம் எண்டிஎஸ்ஸி என்பதால் அதனை தேர்வு செய்துள்ளோம். மேலும் பால் சிஸ்டம் வேண்டுவோர் அதனை தேர்வு செய்தல் நலம் . எண்டிஎஸ்ஸி/பால் பற்றி ஏற்கனவே பார்த்துள்ளோம்.

2.பேரண்டல் கண்ட்ரோல் - குழந்தைகள் பார்க்கும்/பார்க்காத வண்ணம் டிவிடியை தயாரிக்க இந்த வசதி. அதாவது சென்சார் சர்டிபிகேட்டில் யு/ஏ/யு &ஏ போல இங்கே வீடியோவின் தன்மை குறித்து குறித்துக்கொள்ளலாம் மேலும் இங்கே செய்வதனால் மட்டும் டிவிடியை குழந்தைகள் பார்க்காவண்ணம் செய்துவிட முடியாது உங்களுடைய டிவிடி ப்ளேயரிலும் செட்டிங்க்ஸில் குழந்தைகளுக்கு ஏற்ற செட்டிங்கை செய்துவிட்டால் மட்டுமே இது போன்ற டிவிடி செட்டிங்குகள் வேலை செய்யும்.

3.16*9 மெனு ரேசியோ - உங்களுடைய டிவிடி 16*9 வைட் ஸ்க்ரீனை சப்போர்ட் செய்யாவிட்டால் மெனு மற்றும் படங்கள் திரையை தாண்டி செல்ல வாய்ப்புள்ளது இப்பொழுது வரும் டிவிக்களில் அகலத்திரை வசதி உள்ளது எனவே ப்ரச்சினை இல்லை ஆனாலும் நான் தேர்வு செய்துள்ளது போல் லெட்டர் பாக்ஸ் மோட் தேர்வு செய்தால் நலம்.

டிஸ்க் இமேஜ் எனும் டேபை தேர்ந்தெடுங்கள் அதிலேயும் 3 அம்சங்கள் குறியிடப்பட்டுள்ளன

1.டிவிடி வால்யூம் நேம் - உங்களுடைய டிவிடியின் பெயரை கொடுங்க குறிப்பு:நாம் டிவிடியை பர்ன் செய்ய வேறு மென் பொருளே பயன்படுத்தப்போகின்றோம் எனவே இங்கே பெயர் கொடுப்பது எந்த விதத்திலும் பாதிக்காகது சோ நீங்க கொடுத்தாலும் /கொடுக்காவிட்டாலும் தப்பில்லை.

2.லேஅவுட் பைல் ஆப்சன் - இதில் டிவிடி வீடியோ ஒன்லி என்பதை தேர்வு செயுங்கள் அது தான் எல்லா டிவிடி ப்ளேயரிலும் ஓடும் டிவிடி ரோம் தேர்வு செய்தால் எல்லா கணினிகளிலும் சில ப்ளேயர்களிலும் மட்டும் ஓடும்.

3.இது தொழில் முறைக்கு பயன்படக்கூடியது மற்றும் டிவிடி யை காப்பி செய்வதையும் தடுக்க கூடிய மேக்ரோ உள்ளது. இந்த மேக்ரோவெல்லாம் கதைக்கு ஆகாது லேட்டஸ் மேக்ரோ கூட காலியாகும் படி மென்பொருள்கள் இருக்கின்றன. எனவே நல்ல புள்ளையாட்டம் காப்பிரைட் இல்லைனு வச்சிடுங்க அப்படி இல்லை காப்பி ரைட் வைக்கனும்னா அதை தேர்வு செய்து கொள்ளுங்கள்.அதிலே நீங்கள் பேக்டரியில் ஸ்டாம்பர் செய்யும் உரிமையை தேர்வு செய்துக்கங்க.

ஸ்டாம்பர் - நீங்கள் கொடுக்கும் மாஸ்டர் சிடி/டிவிடி க்கள் பேக்டரில் ஸ்டாம்பர் இமேஜாக மாற்றப்பட்டு ஒரு தனி டிஸ்கில் சேமிக்கப்படும் சிங்கில் லேயர்(டிவிடி5) என்றால் ஒரு டிஸ்க் டபுள் லேயர்(டிவிடி9) என்றால் இரண்டு டிஸ்கில் சேமிக்கப்பட்டு பக்காவாக பாதுக்கப்பட்டு வைக்கப்பட்டிருக்கும் இதனை கொண்டு டிவிடி உருவாக்கும் எந்திரங்களில் டிவிடியை உற்பத்தி செய்வார்கள். இந்த ஸ்டாம்பர் சேதமடைந்தால் பயன்படுத்த முடியாது.

அடுத்து ரிப்ளிகேசன் டேபை தேர்ந்தெடுங்கள், ரிப்ளிகேசன் என்பது இந்த மாஸ்டர் டிவிடியை கொண்டு பேக்டரியில் அதிகமான காப்பிகள் தயாரிக்கபடுவதே.

1.ரீஜினல் மேனஜ்மெண்ட் சிஸ்டம்ஸ்

இதில் எல்லாவற்றையும் மானாவாரியா டிக் அடிங்க அப்ப தான் எல்லா ரீனஜிலும் ஓடும். இப்ப உள்ள டிவிடிக்களில் ஏதாச்சும் ஏரியா விட்டோம்னாலும் கூட ஓடும் ஆமா ப்ளேயர் தயாரிப்பு நிறுவனங்கள் இந்த வசதியை இப்பொழுது கண்ட்ரோல் செய்வதில்லை எல்லாம் சீன தயாரிப்புகள் மற்றும் உலகமயமாக்கலே காரணம். ஆனாலும் நல்ல புள்ளையாட்டம் எல்லா ரீஜனையும் டிக் அடிச்சிடுங்க குறைந்த பட்சம் அந்த அந்த ரீஜனாச்சும் வேணும் இல்லை பேக்டரியில் ரிப்ளிகேசன் செய்ய ஸ்டாம்பர் செய்ய இயலாது திருப்பி அனுப்பிடுவாங்க.

2.நம்பர் ஆப் டிஸ்க் சைட்ஸ் - ஒரு பக்கம் தான் நமக்கு கொஞ்சம் காலம் 2 பக்கம் உள்ள டிவிடிலாம் வந்துச்சு டிவிடி9 ல ஒரு லேயர் மேலே ஒருலேயர் கீழேனு அந்தகாலத்து கிராமபோன் ரெக்கார்டின் பாதிப்பு போல.

3.கரெண்ட் சைட் ஆப் டிஸ்க் - ஏ தான்

4.ரிப்ளிக்கா டிஸ்க் சைஸ் - 12 செ.மீ கொடுங்கள்

5.டுயல் லேயர் ஆப்சன் - இது டிவிடி 9க்கு உரியது உங்கள் புராஜக்ட் டிவிடி 9 என்றால் இந்த வசதி தோன்றும்.

சரி இந்த ப்ராப்ர்டீஸ் முடிஞ்சது அடுத்து கொஞ்சம் கொஞ்சம் விடுபட்ட வசதிகள் பற்றி காண்போம்.

பிடிச்சிருந்தா ஓட்டுப்போடுங்க