மெய்யோடு பொய்யாக - ரகசியம் - பகுதி-1

மெய்யோடு பொய்யாக

( ரகசியம் )

கீழே கிடந்தவனின் ரத்தம் வெள்ளை நிற சட்டையை தாண்டி , காவிரியின் புதுப்புனல் போல கிழிந்த சட்டையின் பாகங்களில் கால் பரப்பி அந்த அறையை ஆக்கிரமிக்க தொடங்கியது.

இன்னும் வெறி வந்தவன் போல கையில் அந்த அந்த 3 அடி நீள ராஜா காலத்து வாளை பிடித்துக்கொண்டு, விளக்கொளியில் பள பளக்கும் அந்த வாளை வெறித்துக்கொண்டிருந்தான்.....

பின்னால் இருந்து ஒரு குரல்

கட் இட் - குரலின் முதலாளி ஜேகே என்று அழைக்கப்படும் ஜே.கிருஷ்ணமூர்த்தி.

இன்றைய காலகட்டத்தில் இந்தியாவின் முன்னனி இயக்குநர். இவர் இயக்கத்தில் நடிக்க பாலிவுட் முதல் போஜ்பூரி நாயகர்கள் வரை தவமிருக்கின்றனர். மனுசன் பெர்பக்‌ஷன்ல கில்லாடி. சில இயக்குநர்கள் மாதிரி படத்தை 2-3 வருசம் எடுத்து அதுல பெர்பஷன் காட்டுறவரில்லை. படம் தொடங்க குறைந்தது 1 வருஷம் எடுத்துக்கிடுவார். ஆரம்பிச்சாச்சுனா இயற்கை தொல்லை கொடுக்காவிட்டால் 6 மாசம் தான். எல்லாம் சொந்த தயாரிப்பு. முடித்தவுடன் நல்ல விலைக்கு பெட்டியோட ஆட்கள் நிற்கையில் அவருக்கு என்ன வருத்தம்.

ராஜேஷ் கண்டினியுட்டி பாரு - ஜேகே குரல் கொடுக்க

ஹீரோ மாதிரி ஒருத்தன் ஓடி வருகிறான் பாருங்கள் இவன் தான் நம்ம ஹீரோ.பேரு ராஜேஷ் கண்ணன் , வீட்ல கூப்பிடறது கண்ணன் இவன் விருப்பப்பட்டு எல்லோரையும் கூப்பிட வைக்கிறது ராஜேஷ். ஜேகே கிட்ட 4 வருஷமா இருக்கான் எம்பிஏ வும் எஞ்சினீயரிங்க் ல படிச்ச எலக்க்ட்ரானிக்ஸூம் கை கொடுக்க ஜேகே சேர்த்துக்கிட்டார். இப்ப அசோசியேட்டா இருக்கான். ஒரு கதை ரெடியா வச்சிருக்கான், முன்னனி நடிகர் க்ருஷை மனசில் வச்சிருக்கான். இந்த படம் முடியவும் ஜேகே நல்ல புரொடியூசர் அரேஞ்ச் செய்து கொடுப்பதாக வாக்கு கொடுத்திருக்கார்.

ஜெஸி அந்த ப்ராபர்டீஸ்லாம் எடுத்து வை - ராஜேஷ்

ஜெஸி - ஜேகே யோட அஸிஸ்டண்ட் ல ஒருத்தி லயோலாவின் விசுவல் கம்யூனிகேசன் கை கொடுக்க அதை விட பெரிய சப்போர்ட் லொட லொட வாய் அதனாலே ஜேகே வாய்ப்பு கொடுத்திருக்கார். சத்தியமா இவ தான் ஹீரோயின்.

ஆரஞ்சு வண்ண போர்ஷே சர்னு வந்து நின்னது. மொத்த யுனீட்டும் திரும்பி வாய் பிளக்க. உள்ளே இருந்து பஜன்லால் பெரிய தொப்ப்பையுடன் வெளியே இறங்கினார். ஜேகேயை பார்த்து கைகூப்பி கும்பிட்டார். ஜேகேயும் பதிலுக்கு கை கூப்பி கட்டித்தழுவி வரவேற்றார். ஜேகேயின் பைனான்ஸியர் தான் பஜன்லால். அதையும் தாண்டி நல்ல நட்பு இருந்தது. இருக்காத பின்ன , பஜன்லால் ஜேகேயின் ஒரு படத்தில் குறைந்தது 7-10 கோடி வரை சம்பாதிப்பார் அதுவும் 6 மாசமே முதலீட்டீல். ஆனாலும் மனுசன் தங்கமானவர். ஜேகே சிடு சிடுனு பேசுனாலும் சமாளிப்பார். பஜன்லால்க்கு அவர் பேர் போட்டு பேனரில் அவர் தயாரிப்பில் ஒரு மெகா பட்ஜெட் படம் பண்ணனும்னு ஆசை ஜேகேயை நச்சரிச்சிக்கிட்டே இருக்கார். ஜேகே பிடிகொடுக்கவில்லை.

பஜன்லால்லை அந்த சின்ன சேர் வாங்கி கொள்ள அவரது உடல் அசௌரியமாக நினைத்து உதட்டை பிதுக்குவது போல உடலை வெளியே தள்ளிக்கொண்டு பேலன்ஸ் செய்தது.

ராஜேஸ் இங்க வாடா- ஜேகே கூப்பிட

சார் ஒரு 5 நிமிசம்.... - ராஜேஸ்

ஜெஸி கிட்ட பார்க்க சொல்லிட்டு வா..- ஜேகே

இவன் தான் என்று ஜேகே பஜன்லாலை பார்வையிலே காட்டுகின்றார்.

நீ சொன்ன பையன் இவன் தானா ஜேகே

ஆமா லால் நல்ல டேலண்ட் டெக்னிக்கலி நல்ல அப்டேட் , எக்ஸ்ட்ராடினரி பாய். டோண்ட் வொரி

லால் கொஞ்சம் அவநம்பிக்கையுடன் தலையாட்டினார்.

ஹலோ சார் ரெம்ப நாளாச்சு பார்த்து ஆபிஸ் பக்கமே காணோம்- ராஜேஷ்

என்னைத்தெரியுமா - பஜன்

இவன் என் புள்ளை மாதிரி என்னைப்பற்றி எல்லாம் தெரியும் லால் - ஜேகே

ஓஓஓஓஓஒ....

ராஜேஷ் அந்த மெய்யோடு பொய்யாக கதையை நம்ம சேட்டுகிட்ட சொல்லு இவன் தான் உன் புரடியூசர் இப்பல இருந்த. ஆல் த பெஸ்ட்னு கை கொடுத்தார்.

மாடர்ன் பையன் தான் ராஜேஷ் ஆனாலும் சடார்னு ஜேகே கால்ல விழ மொத்த யுனீட்டும் திரும்பி பார்த்தது, அவனை தூக்கி கட்டிபிடித்து மீண்டும் வாழ்த்து சொன்னார்.

சார் , பேட்ஜ் ஒர்க் கொஞ்சம் இருக்கு அப்புறம் எடிட் கொஞ்சம் பேலன்ஸ் இருக்கு அது வரைக்குமாச்சும் நான் இருக்கேனே - ராஜேஸ் தயங்கி சொல்ல

உன்னை நம்பியே இருக்கமுடியுமா அடுத்தாளை ரெடி செய்யனும் , ஜெஸி இருக்கா தானே பார்த்துக்கிருவா.

ஜர்க் அடித்து நின்றான் ராஜேஷ் , சார் என்னோட அஸோசியேட்டா ஜெஸி தான் இருக்க போறா....

சரி அதை அப்புறம் பார்க்கலாம் நீ இப்ப பஜன்லால் கூட போய் கதை சொல்லு.

இருவரையும் உள்வாங்கிய போர்சே நுங்கம்பாக்கத்தின் மிகப்பெரிய ஹோட்டலின் வாயிலில் நின்றது. கார் ஜாக்கி போர்சேவின் கீயை ஆர்வமுடன் வாங்கி பார்க்க செய்ய கிளம்பினான்.

பஜன்லால் ஒரு சூட் போட்டிருந்தார்.

அரை மணி நேரத்தில் மொத்த கதையையும் அதன் முக்கியமான காட்சிகளையும் விளக்கி தெளிவாக கூறினான் ராஜேஷ்

சேட்டு ரெம்ப சந்தோஷத்தில் இருந்ததார் அடுத்த ஜேகே நீ தான்ப்பா.

என்ன பட்ஜெட் படத்திற்கு ப்ளான் செய்திருக்க?

அவன் சொன்ன தொகை சேட்டிற்கு செட் ஆகலை

இன்னும் கொஞ்சம் ஏத்திக்க , பட்ஜெட் பிரச்சினை இல்லை.

இல்லை சார் இவ்வளவு தான் ஆகும் என்று கான்பிடண்ட்டா பேசியதில் சேட்டு டோட்டல் ஆஃப்.

45 நாள் லண்டன் ஷெட்யூல் இருக்குல நீ இந்த வாரம் லோகேசன் பார்க்க போயிடு. எத்தனை அஸிஸ்டெண்ட் கூட்டிப்போற.

ஒரே ஒரு ஆள் சார் என்னோட அசோசியேட்

ஆங்...க் என்னவோ பேர் சொன்னீயே ஜெ.....ஸி...

ஆம சார் ஜெஸி கிறிஸ்டோபர்

சரி நீ பாஸ்போர்ட் டீட்டெய்ல் ரெண்டு பேரோடதை கொடுத்துடு நம்ம ஆபீஸ்ல. சௌகார் பேட் ஆபீஸ் ஓக்கேவா இல்லைனா சொல்லு உனக்கு ஏற்ற இடத்தில் வச்சுக்கலாம்.

படம் ஆரம்பிக்கும் போது அதை சொல்றேன்....

ஏதென்ஸ்(Athens, க்ரீஸ் நாடு) ன் தெற்கு பகுதியில் உள்ள Glyfada அழகான கடற்கரையை உடையது. ஏதென்ஸில் உள்ள பெரும் செல்வந்தர்கள் மற்றும் பிரபலங்கள் எல்லோரையும் உள்ளடக்கி இருந்தாலும் Glyfada  அந்த அலை இல்லா கடலை போல ரெம்ப அமைதியா இருக்கும்.

கடற்கரையோரம் Karamanli Ave இருக்கும் Sea n' City இரவு விடுதியில் நான்கு பேர் அமரும் டேபிளை ஆக்கிரமத்து இருந்தனர். ஆர்1 , பிகாம்ப்ளக்ஸ், சைக்கிள் மற்றும் ரேடார் முறையே கடிகார முள் சுற்றும் திசையில் அவர்களது பெயர்.

ஆம் அவர்கள் 4 பேருக்குமே மற்றொவருடைய நிஜப்பெயர் தெரியாது. 4 பேரும் அமெரிக்க உளவு அமைப்பான் சிஐஏ வின் நேரடி ஏஜெண்டுகள்.

டாம் வருகைக்காக காத்திருந்தனர். க்ளன்ஃபெட்ஜ் சிங்கிள் மால்ட் 18  இய்ர்ஸ் தாகம் தனித்து கொண்டு இருந்தது நால்வருக்கும்.

நாலு டேபிள் தள்ளி ரூல்ஸ் , போன வாரம் பார்க் செய்திருந்த ரெமி மார்ட்டீனை உள்ளே தள்ளிக்கொண்டிருந்தார். இவர்களை நோட்டம் இட்ட படி.

ரூல்ஸீன் சாமர்த்திய பார்வையை கேட்ச் செய்த ரேடார் தன்னுடைய M1911 semi automatic ன் மேக்கசீனை அழுத்தி சரி பார்த்து டிரிக்கரில் விரலை மாட்டிக்கொண்டான்.

சரியா அடுத்த 4 நிமிடத்தில் டாம் வந்து சேர்ந்தான். சில சம்பாஷனைகளுக்கு பிறகு சைக்கிளின் பிஸ்டல் துப்பிய ஒரு தோட்டா டாமின் தலையில் வசதியாய் பார்க் செய்ய டாம் விழித்தபடியே பிணமானான்.

பாரில் ஏற்பட்ட குழப்பத்தை போக்க ரூல்ஸ் எழுந்து சத்தமாக..

போலீஸ் , ஐ’ம் சிட்டி கமிஷனர் ரூல்ஸ்

சிஐஏ கூட்டத்தை பார்த்து கமான் பாய்ஸ் லெட்ஸ் மூவ் என்று அழைத்து சென்றார்...

தொடரும்

பிரேத பரிசோதனை (autopsy) நிறைவுப்பகுதி - 7

காலிங் பெல் தொடர்ச்சியாக அழைத்தது அதிகாலை தூக்கத்தில் இருந்த சிவா தூக்க கலக்கத்துடன் செல்லில் மணி பார்த்தான் காலை 5.27 காட்டியது. எவனா இருக்கு எவனா இருக்கும் இந்நேரத்துல.... மனதிற்குள் திட்டிக்கொண்டே கதவை நோக்கி அடியெடுத்து வைத்தான்.

கதவை எரிச்சலோடு திறந்தவனுக்கு ஆச்சரியம், அதிகாலை வேலையிலும் காக்கி யுனிபார்ம் உடன்  நின்றிருந்தான் அயூப்.

“என்ன டா இந்நேரத்துல”

அவனது கேள்வியை கவனிக்காதவன் போல தன்னுடைய சகாக்களுக்கு உத்தரவு போட்டான்

“சர்ச் எவ்ரி திங் , டோன் டிஸ்டர்ப் கிட்ஸ் அண்ட் நிர்மலா”

கோபமடைந்த சிவா கத்தினான்

“வாட்ஸ் ஹெல் கோயிங்க் ஆன் ஹியர்”

“சாரி சிவா, யு ஆர் அண்டர் அரஸ்ட்”

“ஆர் யூ ஜோக்கிங் , ஒய்”

அயூப் முறைத்த முறைப்பில் சிவாக்கு சர்வம் அடங்கியது

“மினிஸ்டர் தில்லை , அடிரா , ஆனந்த் கொலைகளுக்காக உன்னை கைது பண்ணுறேன்”

பக்காவான ப்ளான் போட்டும் செய்த கொலைகளையும் அதை திசை திருப்ப முயற்சி செய்தவைகளையும் ஞாபகப்படுத்திக்கொண்டான்.

சரியா 6 மணிக்கு சிவாவை அள்ளிப்போட்டு சிபிசிஐடி நோக்கி சென்றது போலீஸ் வாகனம்.

“சிவா எதுக்காகனு சொல்லிடு டார்ச்சர் வேணாம்னு பாக்குறேன்”

“    “

“ஏன் இப்படி நடந்துகிட்ட”

“உன்னோட மூளை ஆராய்ச்சியை உண்மைனு நம்பி ஏமாந்தவன் நான் , ஆனா அது தான் எனக்கும் க்ளூ கிடைச்சது”

சிறிது நேரம் விட்டு தொடர்ந்தான்

“இறந்த மூளையின் செல்களை உயிர்ப்பிக்க முடியாது நீ செய்யுறதா சொன்னியே அந்த ஆராய்ச்சி கூட சாத்தியமே இல்லைனே நேற்று இரவு தான் தெரிஞ்சது”

சிவா ஏதும் பேசாமல் தலை குனிந்து அமர்ந்திருந்தான்.

”ஏன் இப்படி ப்ளான் செய்து என்னை ஏமாத்துன”

“யெஸ்..............” கத்தினான் சிவா

“எனக்கு பழிவாங்கனும்....”

ஆச்சரியத்துடன் பார்த்தான் அயூப்

“உன்னை இல்லை நேர்ம்மைக்கு எதிரா இருக்குற எல்லோரையும்”

மீண்டும் ஆச்சரியக்கோடுகள் அயூப் முகத்தில்

“ஒரு மர்டர தற்கொலைனு சொல்ல சொன்னான் அந்த மினிஸ்டர் அதுவும் என்னை துப்பாக்கி முனையில மிரட்டி, அவன் தான் அடிராவை காப்பாத்தினான்”

தொடர்ந்தான்

“அடிரா.... அவனை நீங்களே கோட்டை விட்டீங்க . அவனால் எத்தனை பொண்ணுங்க பாதிக்கப்பட்டிருக்காங்க தெரியுமா”

இவனோட வாக்குமூலம் ரெக்கார்ட் ஆக தொடங்கியது

“ Rohypnol டிரக் தெரியுமா இந்தியாவுல புழக்கத்துல விட்டதே அவன் தான், Rohypnol ஒன்னும் அபின் , கஞ்சா மாதிரி இல்லை . அதை பெண்களுக்கு கொடுத்து செக்ஸ் வச்சிக்கிட்டான், அந்த போதையின் விளைவு தெரியுமா?.....”

“போதை இருக்கும் வரை நடந்தவை ஞாபகத்தில் கொஞ்சம் கூட இருக்காது, அதை விடக்கொடுமை அந்த பொண்ணு கர்பம் தரிக்க மாட்டா , நிரந்தரமாக. எந்த ஒரு விட்னஸ்ஸூம் எடுக்க முடியாது”

கேட்ட அயூப்பும் , சகாக்களும் ஆடிப்போயினர்

”என்கிட்ட டிரீட்மெண்ட் க்கு வந்த அந்த ஏரியா பொண்ணுங்க எல்லாம் பெரிய இடத்து பொண்ணுங்க ஆனாலும் போதையில் சிக்கியதால் எதிர்காலம் இழந்து நிக்குறாங்க”

“என்ன செஞ்சீங்க....”

“ஆனந்த என்ன பண்ணினார் உன்னை?”

“ஆனந்த் கொஞ்சம் புத்திசாலி”

அமைதியாகினான் சிறிது நேரம்

“கரெக்ட்டா என்னை வாட்ச் செய்து நெருங்கிட்டான், அதனால அவன் கதையையும் முடிக்க வேண்டியதா போச்சு”

ஞாபகத்திற்கு வந்தவனாய் அயூப் “ கன் ஏது”

“ஹா ஹா ஹா (பலத்த சத்ததுடன்) சென்னைல கிடைக்காத பொருளா நல்லா தேடுங்க கட்டாயம் கிடைக்கும் ...”

வெறிபிடித்தவன் போல கத்தியவனை மயக்க ஊசி போட்டு ஆசுவாசப்படுத்தினார் மருத்துவர்.

பல நாள் விசாரனைக்குப்பின் சிவா பயங்கரமான மனநோயால் பிடிக்கப்பட்டிருப்பதாக டாக்டர் சர்ட்டிபிகேட் கொடுத்திருந்தார்.

சிவாவுக்கு குறைந்த தண்டனையே கிடைத்தது.

சிறைக்குள் இருந்தா சிவாவினுள் மீண்டும் சிங்கம் எட்டிப்பார்த்தது ஜெயிலரின் கொடுமைகளால்.

முற்றும்

பிரேத பரிசோதனை(autopsy ) - பகுதி-6

பிரேத பரிசோதனை(autopsy ) - பகுதி-5

காலை 10 மணி அரசு பொது மருத்துவமனை

ஆன்ந்தின் உடலை பிரேத பரிசோதனை செய்த மருத்துவர் அதனுடைய உடனடி முடிவை அயூப்பிடம் கொடுத்து விடைபெற்றிருந்தார்.

சிவா சொதப்பிட்டானே மனதிற்குள்ளே திட்டிதீர்த்தான் அயூப்.

வலது நுரையீரலில் ஒரு புல்லட் சொருகியதால் ரத்தத்தை வெளியேற்றாமல் நுரையில் உள்ளே சேமித்ததாலூம் , மியூக்கஸ்(சளி ) சீலியாவில்(நுரையீரலின் நுண்குழல்) மேலேறமுடியாமல் அடைத்துக்கொண்டதாலும் மூச்சு தினறல் ஏற்பட்டு மரணம். மேலும் இரண்டு புல்லட்டுகள் இடது தொடையில் மற்றும் முட்டியில்.

புல்லட்டின் அளவு 7.62 mm குறிக்கப்பட்டு சோதனைக்கு அனுப்பட்டுள்ளது.

புல்லட்டின் அளவை பார்த்தவுடன் எம் 240 ரக தானியங்கி என்று தெளிவானது அயூப்க்கு.

இதற்கு முன் நடந்த அடிரா கொலையிலும் எம் 240 பி என்ற துப்பாக்கி பயன்படுத்தப்பட்டது நினைவுக்கு வந்தது.மூளை கணக்குகளை போட்டது.

பெசண்ட் நகர் பீச் அயூப்-சிவா

“சாரிடா மச்சான், என்னால அந்த கேஸ் அட்டன் பண்ண...”

இழுத்தவனை கையமர்த்தினான்.

“யாரோ நல்லா துப்பாக்கி பிரயோகம் செய்ய தெரிந்தவனாக இருக்கான் கட்டாயம் தீவிரவாதிகளின் வேலையாக இருக்கும் , எம் 240 தான் இதுலயும் கொலை செஞ்சிருக்கு இது எங்க டிபார்ட்மெண்ட்டில் இல்லாத ஆயுதம் கொஞ்சம் பழசுனாலும் ஆர்மில தான் இருக்கும்” சொல்லி பெருமூச்சு விட்டான்.

“ஆனந்த் டெட்பாடி எங்க இருக்கு”

“பேமிலிகிட்ட ஹேண்ட் ஓவர் செய்தாச்சு”

“ம்ம்ம்ம்ம்ம்”

”சரி விடு பாக்கலாம், சிக்கிடுவான், அவ்வளவு பெரிய அப்பார்ட்மெண்ட்ல எப்படி சத்தமில்லாம சுட்டானு தான் புரியல”

“ஏதாச்சும் சைலன்ஸர் பொருத்திருப்பான்...”

“ம் இருக்கலாம்”

சைலன்சர் தான் என்று மனதிற்குள் இருத்திக்கொண்டான் சிவா.

கலைந்து சென்றனர் அந்த ஞாயிறின் மாலைக்கு விடைகொடுத்து.

திங்கள் மதியம் அயூப்பின் இன்பாக்ஸில் எச்சரிக்கை ஒன்று வந்து அமர்ந்து ஹாய் சொல்லியது.

”לא מבין אותנו אחרת יהיה לך על גן עדן”

இந்த வாக்கியங்கள் மட்டுமே இருந்தன கூடவே ஒரு எம்240பி கன் மாடல் படம் ஒன்று.

ஏதோ ஸ்பாமாக இருக்கும் என்று நினைத்தவனுக்கு துப்பாக்கியின் மாடலை பார்த்தவுடன் உஷார் ஆனான். சைபர் க்ரைம்க்கு போன் போட்டான் அவனுடைய பேட்ச்மெட் ஸ்ரீதருக்கு.

அடுத்த அரை மணி நேரத்தில் எக்மோரில் உள்ள சைபர் க்ரைமில் இருந்தான் அயூப்.

”சென்னை ல இருந்து ப்ராக்ஸி யூஸ் பண்ணிருக்கான் , ப்ராக்ஸி டெல் அவிவ் யை காட்டுது , சென்னை ஐபியை புடிச்சு விசாரிக்க சொல்லிருக்கேன் இன்னும் 30 மினிட்ஸ்ல டீட்டெய்ல் கிடைச்சிடும் அயூப்”

“தேங்க்ஸ் ஸ்ரீ”

“என்ன எழுதியிருக்குனு சொல்ல முடியுமா?”

“எங்களை தொடர முயற்சிக்காதே , முயற்சித்தால் உனக்கு சொர்க்கத்தில் இடமுண்டு, ஹூப்ருல எழுதிருக்கு”

புருவம் உயர்த்தி ஆச்சரியத்தை வெளிப்படுத்தினான் அயூப் , ஏகப்பட்ட அடிராக்கள் இருப்பானுக போலனு மனதிற்கும் நினைத்துக்கொண்டான்.

ஸ்ரீதரின் சகா சல்யூட்டுடன் நுழைந்தான்

“சொல்லுங்க வில்லியம்”

“அண்ணா நகரில் இருக்கும் ஒரு ப்ரவுசிங் செண்டரோட ஐபி, ப்ரவுசிங்க் செண்டர சர்ச் பண்ண அண்ணாநகர் ஸ்டேசன் எஸ்.ஐ க்கு ஆர்டர் போட்டாச்சு சார், நம்ம டீம் ஒன்னும் கெளம்ப ரெடியா இருக்கோம் வித் யுவர் பெர்மிசன்..”

“கோ அகெட் வில்லியம், நானும் கெளம்பி வரேன். மீட் மிஸ்டர் அயூப் க்ரைம்ப்ராஞ் கமிஷனர்”

சம்பிரதாய கைகுலுக்கல் முடித்து கிளம்பினர் அண்ணா நகருக்கு.

மிகசாதரண ப்ரவுசிங் செண்டர் , பெரிய இன்ப்ராஸ்ட்ரெக்சர் இல்லை , சிசிடிவியும் இல்லை இதையெல்லம் பார்த்தவுடன் கோபமான ஸ்ரீதர்

“இவனுகளுக்கெல்லாம் எவன் லைசன்ஸ் கொடுத்தான் , எங்கய்யா ஓனர்”

“சார் இந்தாளு தான் ஓனர்” ஒரு 25 வயது சோடாபுட்டியை கை காட்டினார் கான்ஸ்டபிள்

பைய வெடவெடத்து போயிருந்தான்.

“லாக் புக் இருக்கா, என்ன சாப்ட்வேர் போட்டு எல்லா சிஸ்டமையும் கண்ட்ரோல் செய்யுறீங்க”

"லாக் புக் இருக்கு சார், Employee Computer Monitoring Software யூஸ் பண்றோம் சார்”

மெயில் டைமை பார்த்து லாக்புக்கில் பார்த்தான் சுதாகர் என்று ஆங்கிலத்தில் கையெழுத்திட்டிருந்தது பச்சை மையில் அதன் நேரே சிஸ்டம் நம்பர் 4 என்று குறிக்கப்பட்டிருந்தது வெறும் 10 நிமிட பயன்பாடு.

அந்த பெயரை சுட்டிக்காட்டி “யார் இது ரெகுலர் கஸ்டமரா”

“இல்லை சார் புதுசா இருந்தார் , ஐடி கேட்டேன் அவசரம்னு சொன்னார் ஆள் பாக்க ரெம்ப டீசண்டா பெரிய உத்தியோகத்தில் இருப்பவர் போல இருந்ததால விட்டுட்டேன், கண்ணாடி போட்டிருந்தார் சார் , லேசா காதோரங்களில் நரை இருந்தது சார்”

“ஆளைப்பார்த்தா அடையாளம் காட்டுவியா”

“ஸ்யர் சார்”

அதற்குள் சிஸ்டமினின் கேச்சை,ஹிஸ்டரியை தேடி பார்த்த காக்கிகள் ஏமாந்து போய் சர்வரை துழாவி எடுத்தன. ஈமெயில் ஐடி புதிது அன்று தான் உருவாக்கப்பட்டதற்கான சாட்சியாய் யாஹூவின் வரவேற்பு மெயில் இருந்தது.

சுதாகர் எஸ் பி என்று இன்சியல் வேற...

தொடரும்

பிடிச்சிருந்தால் ஓட்டு போடுங்க.

பிரேத பரிசோதனை(autopsy ) - பகுதி-5

பிரேத பரிசோதனை(autopsy ) - பகுதி-1
பிரேத பரிசோதனை(autopsy ) - பகுதி-2
பிரேத பரிசோதனை(autopsy ) - பகுதி-3
பிரேத பரிசோதனை(autopsy ) - பகுதி-4

சென்னை அசோக் நகரில் இருக்கும் விஸ்வாஸ் அப்பார்ட்மெண்ட் காலையிலே காக்கிகளின் கூடாரமாக இருந்தது. கான்ஸ்டபிள்களை விட அதிகாரிகளே அதிகம் தென்பட்டனர். பிரச்சினையின் வீரியத்தை உணர்த்திக்கொண்டிருந்தன காக்கிகளின் வாக்கிடாக்கிகள் , செல்லிடப்பேசிகள். எல்லோருக்கும் கவலை தோய்ந்த முகம் நிஜ வருத்ததை காட்டியது.

”ஏழாவது மாடியில் இரண்டாவது வீடு சார்” அயூப், ராமச்சந்திரனுக்கு வழிகாட்டினார்

பேசிக்கொண்டே மாடி ஏறினர் லிப்டில்

“எப்படி நடந்திருக்கு அயூப் , ஏதும் மோட்டிவேஷன் இருக்கா “

“மோட்டிவேஷன் ஏதும் இல்லை சார், ரெம்ப க்ருசியலா இருக்கு பாக்கவே”

”பேமிலி சிட்சுவேசன் என்ன”

“அவரு ஒய்ஃப் நேத்து நைட்டு தான் திருச்சிக்கு போயிருக்காங்க இவரு ஏத்திவிட்டுருக்கார் ராக்போர்ட் ல , 2 வயசுல ஒரு பையன் இருக்கான்”

”இன்பார்ம் செய்துட்டீங்களா..”

“ம் ஆச்சு சார்”

“இவரோட கரெண்ட் புராஜெக்ட் என்ன?”

பேசிக்கொண்டே வீட்டை அடைந்தனர் , ஃபாரன்சிக் ஆட்கள் ஒவ்வொன்றாக ரசாயணத்தால் ஒத்தி எடுத்துக்கொண்டிருந்தனர்.

பிணமாகியிருந்த ஆனந்தை சுற்றி கோடு வரைந்து காத்திருந்தனர் காவலர்கள். வீட்டின் நுழைவாயில் அருகே கிடந்தார் ஆனந்த் ஐபிஎஸ். சூழ்நிலைகளை சிறிது நேரம் அவதானித்த ராமச்சந்திரன். அங்கிருந்து கிளம்ப அயூப்பிடம் சமிக்கை செய்தார்.

“அந்த மினிஸ்டர் கேஸில் என் க்ரூப்ல தான் இருந்தார்”

ஆச்சரியங்களுடன் புருவத்தை வளைத்து பார்த்தார் ராமச்சந்திரன்.

“குற்றவாளியை நெருங்கி கோட்டை விட்டிருக்கோம் அயூப்”

அயூப் தலையாட்டி ஆமோதித்தார்

“அவரோட லாஸ்ட் மினிட் மூவ்மெண்ட்லாம் கலெக்ட் பண்ணுங்க ஏதும் கிடைக்குதானு பார்ப்போம்”

“யெஸ் சார்”

“டேக்கேர் அயூப் “ தோளில் தட்டி விடைபெற்றார் ராமச்சந்திரன்

தன்னுடைய சகாக்களில் இருவரை அழைத்து

“பாய்ஸ் நாம அக்யூஸ்ட்டை நெருங்கி கோட்டை விட்டிருக்கோம், ஆனந்தோட லாஸ்ட் மொமண்ட்ஸ் கலெக்ட் செய்யுங்க, வில் மீட் இன் தி ஆபீஸ் ”

அருகில் இருக்கும் சிவாவின் வீட்டிற்கு விட்டான் வாகனத்தை.

“வாங்க அண்ணா, என்ன இந்நேரத்துல” நிர்மலா ஆச்சரியத்துடன் கேட்டாள்

“இல்லைம்மா , ஒரு கேஸ் டிபார்ட்மெண்ட்ல மர்டர் , விஸ்வாஸ் அபார்ட்மெண்ட்ல”

“அய்யோ” பதறினாள்

“சிவா இல்லையா”

“அவர் ஏதோ ஆபரேஷன் இருக்குனு நேத்து நைட் போனவர் இன்னும் வரல”

“சரிம்மா , நான் கெளம்புறேன் வந்தான்னா சொல்லிடு இல்லை வேணாம் நான் காண்டக்ட் பண்ணிக்கிறேன் , ஹாஸ்பிடல் தான் போறேன்”

விடைபெற்று கிளம்பினான் மருத்துவமனைக்கு.

பாரீஸில் உள்ள பொது மருத்துவமனையில் சாண்ட்ரோவை வெளியில் விட்டு விட்டு சென்றான்.

கேண்டீனில் சிவாவும், அயூப்பும் காபி ஆர்டர் செய்து காத்திருந்தனர்.

“என்னடா இந்நேரத்துல , போன் கூட செய்யாம வந்திருக்க ஆனந்த் மர்டருக்காக வந்தியா”

“ஹே வீட்டுக்கு போயிருந்தேன் நிம்மி சொன்னா, ஆனந்த் மர்டர் அதுக்குள்ள இங்க வந்திருச்சா”

“உங்களை விட நாங்க சார்ப் டா மச்சான்”

”ம் சரி சரி, மச்சான் ஆனந்த கொஞ்சம் இம்பார்ட்டண்ட் பெர்சன் என்னோட க்ரூப்ல, அவன் கொலையாளியை நெருங்கிட்டாப்ல தெரியுது அதான் நீ கொஞ்சம் ஹெல்ப் செய்யனும்”

“நான் நைட் டூட்டில இருக்கேன் இன்னும்30 மினிட்ஸ்ல டூட்டி முடிஞ்சுடும் , காலைல ம்ம்ம்ம்ம்ம் ராஜன் வருவார் அவர்கிட்ட நான் போன் பண்ணி சொல்லிடுறேன்”

“டேய் போஸ்ட்மர்டம் ரிப்போர்ட்டை விட உன்னோட ரிப்போர்ட் வேணும்னு சொல்றேன்”

யோசித்தான் சிவா,” மச்சான் நான் இப்ப ஹேண்டில் பண்ண சிக்கலாயிடும் ...”

“என்னோட கொலிக்ஸே என்ன சந்தேக பட ஆரம்பிச்சிடுவாங்க”

“நீ என்ன செய்வீயோ தெரியாது எனக்கு லாஸ்ட் மொமண்ட் டீட்டெய்ல்ஸ் வேணும்”

பதிலை எதிர்பார்க்காமல் கிளம்பிவிட்டிருந்தான் அயூப்

நமுட்டு சிரிப்புடன் அயூப் போவதை பார்த்தது இரண்டு விழிகள்...

தொடரும்...

பிரேத பரிசோதனை(autopsy ) - பகுதி-4

பிரேத பரிசோதனை(autopsy ) - பகுதி-1
பிரேத பரிசோதனை(autopsy ) - பகுதி-2
பிரேத பரிசோதனை(autopsy ) - பகுதி-3

மார்சுவாரியில் கிடத்தப்பட்டு தலை அருகே அடிரா என எழுதப்பட்டிருந்த பிரேதம் மருத்துவருக்காக காத்திருந்தது.

காலை 7 மணிக்கே ஸ்பெஷல் ஆர்டரில் வந்திறங்கினான் சிவா, அவனுக்கு முன்பே அயூப் அலைந்துகொண்டிருந்தான். நட்பு புண்ணகையை கூட மறந்து இருவரும் ஹலோ சொல்லி அவரவர் வேலையை பார்க்க தொடங்கினர்.

அடிரா ஆறடிக்கும் மேல் உயரம் யூதர்களுக்குறிய அந்த பிடிவாதம் இறந்த பின்னும் முகத்தை இறுக்கி வைத்திருந்ததை காட்டுவதாய் நினைத்தான் சிவா.

உடம்பு சல்லடையாக சலிக்கப்பட்டிருந்தது துளைகளை பார்க்கும் போதே எம் 240-பி என்று தெரிந்தது. 400 டாலருக்கு விற்கப்படும் அந்த அமெரிக்க தயாரிப்பு இந்த கொலையை செய்துவிட்டு முதலாளியுடன் சென்றுவிட்டது.

அடிராவை அறுத்துப்பார்த்ததில் கிடைத்த முடிவை பட்டியலிட்டான்.

1.இதயத்தின் இடது வெண்டிரிக்கிள்ளை ஒரு தோட்டா வாடகைக்கு எடுத்துக்கொண்டதால் இதயம் இயக்கத்தை நிறுத்திக்கொண்டது.

2.உடம்பில் பல இடங்கிள் குண்டடிபட்டிருப்பதால் அதிகப்படியான ரத்தம் வெளியேறியும் மரணம் ஏற்பட்டிருக்கலாம்.

3.தாக்கப்பட்ட தடயங்கள் இல்லை.

4.இறந்து 3 மணி நேரம் இருக்கும்.

இன்னும் பல வழக்கமான சோதனைகளின் முடிவை எடுத்து வைத்து அறிக்கையை போலிஸிடமும் மேலதிகாரியிடமும் ஒப்படைத்து கிளம்பிவிட்டான் அடிராவின் மூளையோடு.

வெளியே வந்த சிவாவை பார்த்து லேசாக தலையாட்டினான் அயூப் இவனும் பதிலுக்கு யாரும் அறியா வண்ணம் ஆட்டி சென்றான் மூளையோடு.

மாலை 7 மணி சிவாவின் இல்லம்

டெல்-அவிவ் ல பிறந்து யுஎஸ் ல ஆராய்ச்சி படிப்பு முடித்துள்ளான் அடிரா.
இன்னும் திருமணம் ஆகவில்லை இரண்டு முறை காதல் தோல்வி.

….................

கறுப்பு டொயோட்டா க்ளாடினாவை கண்டவுடன் சலாம் போட்டு கதவை திறந்தான் கூர்க்கா. மிகவும் இயல்பாக காணப்பட்டான். காரியம் நடக்கனும் இல்லைனா காரியம் முடிக்கனும் இது தான் அடிராவின் அறிவுக்கு தெரிந்தது.


அடிராவின் சேட்டிலைட் போன் அலறியது

“Erev Tov adira” மாலை வணக்கம் அடிரா

“Erec Tov Boss” மாலை வணக்கம் தலைவரே

“Ma nishma ? “ எப்படி இருக்க

“Tov ,toda” நல்லா இருக்கேன் ,நன்றி

”நீங்க எப்படி இருக்கீங்க தலைவரே”

”நலமே , உனக்கு சொன்ன வேலைய மட்டும் முடிக்காம இப்ப நீ சிக்கலில் இருக்க”

”சிபிஐ யை சரிகட்டியாச்சு பாஸ்”

”முட்டாள் காக்கிகளை மறந்துட்டு செய்திகளை மட்டும் கவனிக்கிற”

அதிர்ச்சி கோடுகள் அடிராவின் மூளையில் , தவறு செய்துவிட்டதை உணர்ந்த வேளையில்

“slih'a adira, Tzeth'a leshalom , LeHitra'ot Adira......” மன்னித்து விடு , அமைதியில் உறங்கு ,சென்று வா அடிரா..............

முடிக்கும் போதே எங்கிருந்தோ வந்த எம் 240 பி யின் தோட்டாக்கள் சல்லைடை போட்டு அடிராவின் உயிரை தேடியது.

தொடரும்...

பிரேத பரிசோதனை(autopsy ) - பகுதி-3

பகுதி-3- அயூப் ஆஜர்
பிரேத பரிசோதனை(autopsy ) - பகுதி-1
பிரேத பரிசோதனை(autopsy ) - பகுதி-2

சென்னை சிபிசிஐடி அலுவலகம்

பிரதமரின் தேர்த்தல் பிரச்சாரம் பற்றிய பாதுகாப்பு சம்பந்தமான கூட்டம்.

“இந்த நேரத்துல மினிஸ்டர் மர்டர் நமக்கு கூடுதல் டென்சன்” - சிபிசிஐடி ஐஜி ராமச்சந்திரன் தன் சகாக்களிடம் வருத்தப்பட்டார்

”மிஸ்டர் அயூப் நீங்க மினிஸ்டர் கேஸை தனிப்பட்ட முறையில ஐ மீன் வெளில தெரியாத அளவுக்கு விசாரிங்க , கேஸ் சிபிஐ க்கு போகும் இருந்தாலும் மர்டர் நடந்தது நம்ம ஸ்டேட்ங்கறாதால நாம கொஞ்சம் கவனம் செலுத்துவோம் ”

“எஸ் சார்” - கம்பீரமாக சல்யூட் வைத்தார் அயூப்

அடுத்த வருஷம் ஓய்வு பெறும் ராமச்சந்திரனின் இடத்தை நிரப்ப இருப்பவர் அயூப். 1995 ல ஐபிஎஸ் முடிச்ச ரெம்ப துடிப்பான அதிகாரி.

”கேஸ் டீட்டெய்ல் வாங்கிகங்க மினிஸ்டர் பாடி இன்னும் ஜிஹெச் ல தான் இருக்கு” - ஐஜி சொல்லும் போதே அயூப்பின் போன் அதிர தொடங்கியது

”எக்ஸ்க்யூஸ்மி சார்” - சொல்லிட்டு ஓரம் கட்டினார் அயூப்

”எங்க சார் இருக்கீங்க” – போனில் சிவா

”மீட்டிங்ல இருக்கேன் மச்சான் நான் அப்புறமா கூப்பிடுறேன்”

”கொஞ்சம் அவசரம் …. ஒக்கே ஈவ்னிங் ப்ரியா பேர்த்டே பங்சன் இருக்கு அங்க வந்துடு பேசிக்கலாம் 8 ஓ க்ளாக் பங்சன் ஓக்கேவா” - சிவா முடிக்க

”ஏதும் அவசரமா , ஓக்கே ஈவ்னிங் பாக்கலாம் தானே”

”ஓக்கே மச்சான் வந்திரு” சிவா சொல்லி இனைப்பை துண்டித்தான்

சிவா - அயூப் சிறுவயது முதல் நட்பு வெவ்வேறு பணியில் இருந்தாலும் வாரம் ஒருமுறை சந்தித்துக்கொள்ளும் பால்ய சிநேகிதர்கள்.


”மாலை சரியா 4 மணிக்கு பிஎம் மீட்டிங் தீவுத்திடலில் இதுவரைக்கும் எந்த அசம்பாவிதம் இல்லை நமக்கு வந்த ரிப்போர்ட்டும் திருப்திகரமாகவே இருக்கு, எதுக்கும் கொஞ்சம் கவனமாக இருப்போம் டேக்கேர் மிஸ்டர் அயூப்” - எழுந்து சென்றார் ராமச்சந்திரன்.

அயூப் தன் சகாக்களுடன் கூட்டத்தை தொடர்ந்தார்.

மாலை 8.30 சிவாவின் இல்லம்

பிறந்தநாள் கலை கட்டியிருந்தது. ப்ரியா குட்டி தேவதையாய் ஜொலித்தாள் அந்த பிங்க் நிற ஆடையில். ஆளாளுக்கு அள்ளி முத்தமிட்டனர்.

சிவாவும் - நிம்மியும் வந்தவர்களை வரவேற்று உபசரித்துக்கொண்டிருந்தனர்.

அயூப் தன் மனைவி நிலோபருடன் பார்மல் சூட்டில் விழாவிற்குள் நுழைந்தார்.

வரவேற்பு , கேக் வெட்டுதல் எல்லாம் முடிந்த பிறகு சிவா-அயூப் தனியாக நகர்ந்தனர்.

”என்னடா அவ்வளவு அவசரம் ஏதும் ப்ராப்ளமா” -அயூப்

”ம், இதை படி ”- சிவா ஒரு 20 பக்க ப்ரிண்ட் அவுட்டை தூக்கி தந்தான்


”ஹாய் அடிரா ஹவ் ஆர் யூ மேன் ”

”ஐ’ம் ஆல் ரைட் மினிஸ்டர் ஜி”

வாசகர்களுக்காக தமிழில் உரையாடல்

”என்னய்யா என்ன இந்த பக்கம்”

”உங்க கிட்ட சொன்னது என்னாச்சு”

”நான் தான் எல்லாத்தையும் கொடுத்துட்டேனே ”- மினிஸ்டர் இயல்பாய் சொன்னார்

”நீங்க கொடுத்தது எல்லாமே கண்ணுக்கு தெரிஞ்சது” - அடிராவின் சகா குதித்தான்

சைனா காரனோ மினிஸ்டர் சிந்தித்தார்

அந்த சைனா காரனை கையமர்த்தி அடிரா தொடர்ந்தான்

”நான் கேட்டது இது இல்லை ஜி, எங்கே அணு ஆயுதம்லாம் செய்யுறீங்க எங்கே சேமிச்சு வச்சிருக்கீங்கனு”

”என்னோட பவர் இந்த எல்லை வரைக்கும் தான் போகும் அடிரா” - மினிஸ்டர் கையை விரிச்சார்

”அப்ப ஏன் எங்க கிட்ட பொய் சொன்னீங்க, சும்மா இல்லை தில்லை ஒன் மில்லியன் யுஎஸ் டாலர் உங்க பேருல கிரெடிட் ஆயிருக்கு சுவிஸ்ல தெரியும் தானே” குரல் உயர்த்தினான் அடிரா

”எனக்கு புரிய்து அடிரா.... , அணு ஆயுதம் எல்லாம் எங்க மினிஸ்ட்ரி கவனத்துக்கே வருவதில்லை அது ஒரு தனிப்பட்ட விங்க்ஸ்ல இருக்கு. எனக்கு தெரிஞ்சு ரா ல சில அதிகாரிங்க , சில உயர்மட்ட ராணுவ அதிகாரிங்களுக்கு மட்டுமே தெரிஞ்சிருக்கு நானும் சிலரை சரிகட்ட பார்த்தேன் முடிய......”

கையில் இருந்த பெரிய இயந்திர துப்பாக்கியால் கையில் ஒரு போடுட்டான் அவன் சகா அவன் பங்குக்கு மார்பில் ஒரு மரண அடி அடிக்க அடங்கிப்போனார் தில்லை. ஆனாலும் வெரியடங்காம பிஸ்டலை எடுத்து 3 தோட்டாக்களை தில்லைக்கு பரிசாக தந்துவிட்டான் அடிரா.

ஆங்கில கெட்டவார்த்தைகளால் அர்ச்சனை செய்தான் அடிரா

இந்த உரையாடலை படிச்ச அயூப் முகச்சுருக்கத்துடன்

”எப்ப மச்சான் கதை எழுத ஆரம்பிச்ச”

”ஹே இது நிஜம் டா” என்று சொல்லி தன் ஆராய்ச்சி பற்றி விளக்க அயூப் வாய் பிளந்தான்

”ஓக்கே இந்த ஆதாரத்தை நான் எடுத்துக்கலாமா?”

”இப்போதைக்கு வேண்டாம் இந்த முயற்சிய நான் இன்னும் வெளி உலகிற்கு சொல்லல , இதை வேர்ல்ட் வைட் அப்ரூவல் வாங்கிய பிறகு தான் இந்த ஆதாரம் ஏத்துக்கப்படும் அதுக்கு எப்படியும் 2 வருஷம் ஆகலாம்.”

”மினிஸ்டர் கேஸை நான் தான் டீல் செய்யுறேன்”

”சிபிஐக்கு மாத்திடதா சொன்னாங்க சிபிஐ வந்து டீட்டெய்ல் கேட்டாங்க”

”ஆமா, ஆனாலும் சென்னைல நடந்ததால ஐஜி ஸ்பெசலா விசாரிக்க சொல்லிருக்கார்.”

”அயூப் இன்னொரு இன்பர்மேசன் , அடிரா பேரு வித்தியாசமா இருந்ததால கொஞ்சம் சர்ச் பன்னுனேன் அடிரானா ஹூப்ருல ஸ்ட்ராங்னு அர்த்தம்”

”ஹூப்ருவா....”

”ஜீஸஸ் பேசுன லாங்குவேஜ் , இப்ப யூதர்கள் பேசுற மொழி, பைபிள் முதலில் எழுதப்பட்ட மொழி , கடவுளின் மொழி என்று யூதர்களால் நம்பப்படுவது...”

”அப்ப அடிரா ஒரு jew ஆ...”

”ஆமா அப்படித்தான் நினைக்குறேன் ”

”ம்... மொசாட்டை சேர்ந்தவனா இருக்கனும், இதுல சீன kgb பங்கு இருக்கும் போல...”

”ஓக்கே சிவா நான் கிளம்புறேன் டயம் ஆச்சு, தேங்க்ஸ் பார் யுவர் இன்பர்மேசன் ”

”என்னோட ஆராய்ச்சி வெளியேறாம பாத்துக்கோ”

அயூப் விடைபெற்று வெளியேற அயூப்பின் சாண்ட்ரோவை ஒரு கறுப்பு டொயட்டோ க்ளாடினா வெளிநாட்டு கார் பாலோ செய்ய ஆரம்பித்தது.

தொடரும்...

பிரேத பரிசோதனை(autopsy ) - பகுதி-2

பிரேத பரிசோதனை(autopsy ) - பகுதி-1

”டாடி எனக்கு என்ன பேர்த்டே கிப்ட்”- மழையில் கேட்டாள் ப்ரியா

”சாரிடா செல்லாம் மறந்துட்டேன் காலையில வாங்கிடலாம்”

கைதட்டி மகிழ்ச்சியை வெளிப்படுத்திய மகளின் நெற்றியில் முத்தம் கொடுத்து அன்பை வெளிப்படுத்தினான்.

சமையல் அறையிலிருந்து வெளிப்பட்ட நிர்மலா

”இன்னைக்கு சினிமா போவோமா பேராண்மை கொஞ்சம் நல்லா இருக்காம்” - சூர்யா ரசிகை ரவிக்கு சர்ட்பிகேட் கொடுத்தாள்

”சாரிம்மா இன்னைக்கு அந்த மினிஸ்டர் கேஸ் அதுல கொஞ்சம் அனாலசிஸ் இருக்கு சோ முடியாது லேப்ல வேலை”

”மினிஸ்டர் கிட்டயே சுட்டாச்சா ”- கண்ணடித்து நகர்ந்தாள் குக்கரின் விசிலுக்கு.

தன்னுடைய பெர்சனல் லேபிற்குள் நுழைந்தான் சிவா. அவன் கண்டுபிடிச்சு வச்சிருந்த ஒரு இன்ஸ்ட்ருமெண்ட் - மெத்தேட் யை செயல்படுத்த நல்ல தருனம் கிடைத்ததில் மகிழ்ச்சியில் திளைத்தான்.

அவனோட கண்டுபிடிப்பு இது தான்

“இறந்தவங்களோட மூளையில் பதிவாயிருக்கும் தகவல்களை சேகரிக்கலாம் , அதன் மூலம் அவர்களின் வாழ்க்கையில் நடந்த மர்மம், அவர் எப்படி இறந்தார் , இறப்பின் போது நிகழ்ந்தவை என்ன? , சொத்தைக்கூட எப்படி பிரிக்கனும்னு நினைச்சார்னு கண்டுபிடிக்கலாம்”

சரி இது எப்படி சாத்தியம் அதுக்கு சிவா கண்டுபிடிச்ச வழி

“மூளையின் தகவல்களை பெற ELECTRO ENCEPHALO GRAPHY மற்றும் MAGNETO ENCEPHALO GRAPHY முறைகளை மூலம் தகவல்களை சேகரிக்க முடிந்தது ஆனால் அவற்றை படிக்க இயலாதபடி ஒரே சங்கேத தகவல்களாக கிடைத்தது. இந்த குறையை தீர்க்க நிறைய இரவுகளை தின்று தீர்த்தன சிவாவின் மூளை அப்பொழுது தான் அவனுக்கும் இந்த யோசனை ஸ்பார்க் ஆச்சு. மூளையில் உள்ள மொழி புரிதலுக்கான பகுதிகளை(BROCA'S AREA AND WERNICKE'S AREA) இந்த தகவல்கள் இனைந்து வந்தால் மொழி புரிதல் கிடைக்கும் தகவல்கள் படிக்கும் வகையில் கிடைக்கும் என்பதே அவனது கண்டுபிடிப்பு”


தில்லையின் மூளையை எடுத்து அட்டகாசமாக அவன் செய்த கருவியில் இனைத்தான் எலக்ட்ரோ போல்கள் மூலம் வெளியாகும் தகவல்கள் மொழி புரிதல் ஏரியாவிலிருந்து ஒரு சிறிய சிப் மூலம் கடத்தப்பட்டடு வெளியேறி கையடக்க கணினியில் பதிவாகும் படி செய்யப்பட்டிருந்தது.

தன்னுடைய குலதெய்வத்தை நினைத்து பேட்டரியை இயக்கினான். அவனுடைய ஆராய்சி வீண் போகல. கிடைத்த தகவல்களை ஏகப்பட்டவை அவற்றை ஸ்பெசலாக செய்த ஒரு டாக்குமெண்ட் ரீடருக்கு கன்வெர்ட் செய்தான். பக்கங்கள் லட்சங்களை தாண்டி சேவ் ஆகிக்கொண்டிருந்தன.

அனைத்து தகவல்களும் முடிய நள்ளிரவை தாண்டியது. ஒருபக்கம் மகிழ்ச்சி இன்னொரு பக்கம் ஆச்சரியமும் கேள்விக்குறியும். இவ்வளவு தகவல்களை எப்படி படிப்பது ஒருங்கினைப்பது என்ற கேள்வி எழுந்து அவனை தர்மசங்கடத்திற்குள்ளாக்கியது.

யோசனை வந்தவனாய், கணினியில் சிறிய மாற்றங்களும் மேக்னடிக் ப்ளேட்டில் பொருத்தப்பட்டிருந்த சிப்பில் சிறிய ரக புரோகிராம் மாற்றி பதிந்து கொண்டான். மீண்டும் தகவலை மூளையிலிருந்து இறக்க ஆரம்பித்தான். நீண்ட நேரத்திற்கு பிறகு மகிழ்ச்சியில் திளைத்தான் சிவா. எல்லா தகவலும் நாட்கள் , நேரம் உள்பட தோன்றியது . சிப்பில் செய்த மாற்றம் முடிவுறும் நேரம் , தேதியை இன்று அதிகாலை 2.55 க்கு நிர்ணயித்தான் அதிலிருந்து நாட்களை , நேரத்தை கணக்கிடும் புரோகிராமை லிங் செய்து இந்த சாதனையை முடித்தான்.

கிடைத்த டேட்டாவை மேம்போக்காக படித்தான் தில்லை பற்றி

1.பிறந்தது ராமநாதபுரம் அருகில் உள்ள மண்டபம்
2.படிச்சது எம்ஏ. பிஎல்
3.செய்ய தூண்டிய கொலைகள் 7
.
.
.
.
.
.
இப்படி நீண்டது.

மரணம் சம்பவித்தது எப்படினு படிக்க இறுதி அத்தியாயங்களை நோக்கினான்....

தொடரும்...

பிரேத பரிசோதனை(autopsy ) - பகுதி-1

பிரேத பரிசோதனை(autopsy ) - பகுதி-1

பாகம் - 1 – தில்லையின் மூளை

இவரோட வலது முன்னங்கை உடைஞ்சிருக்கு சோ எதிர்ல இருந்து தாக்கியிருக்கனும் மேலும் எலும்பு மோசமா நொறுங்கியிருக்கு அதே நேரத்துல ஒரே ஒரு நேர்கோட்டுல மேல் பக்கவாட்டுல நொறுங்கியிருக்கு அடிக்க பயன்படுத்திய ஆயுதமும் ஆளும் ரெம்ப பலமானதா இருக்கனும். அடிச்ச வேகத்துல சதையில கொஞ்சம் சிக்கியிருக்கும் உலோகதுகள்களை பாக்கும் போது ஏதோ பழைய பைப் கொண்டு தாக்கியது போல இருக்கு எதுக்கும் அந்த திசுக்களை சோதனைக்கு அனுப்பி முடிவை பார்த்துக்கலாம்.

கொலை செய்தவன் கைதுப்பாக்கி பயன்படுத்திருக்கான். அவன் பெரிய கொலை வெறி பிடிச்சவனாக இருக்கனும் காரணம் புல்லட்டால் இவர் இறக்கவில்லை அதுக்கு முன்னமே இறந்துட்டார் அவர் மேல் உள்ள வெறுப்பை வெளிப்படுத்த இந்த 3 புல்லட்டுகளும் இதயத்தை ஒன்னு , இடது கிட்னியை லேசா உரசி ஒன்னு , கழுத்திலே ஒன்னுனு தொகுதி பிரிச்சிக்கிட்டன ஒரு வேளை மத்திய மந்திரி என்பதால் புல்லட்டுகளும் தொகுதி வரியா இறங்கிருக்குமோ.

தன் சகாக்களிடம் இந்த ரிப்போர்ட்டை விளக்கி கொண்டிருக்கும் அந்த கண்ணாடி போட்ட 40 வயசை 4 நாளைக்கு முன்னால் எட்டி பிடிச்ச சிவப்ரகாசம். சென்னை பாரீஸில் உள்ள அரசு பொது மருத்துவமனைல வேலை , போஸ்ட்மார்டம் செய்வதில் பலே கில்லாடி. அவனோட கணிப்பு எப்பவும் கவனிக்க மறந்ததில்லை. கிறிஸ்து பிறப்பதற்கு 3000 ஆண்டுகளுக்கு முன்பு ஏற்பட்ட இந்த பிரேத பரிசோதனை பழக்கத்தை உலகின் பழமையான் தொழில்னே சொல்லலாம்.

அவனுக்கு ஒரு தனிப்பட்ட ஆராய்ச்சி கூடம் இருந்தது வீட்டிலே அதிலே மூளை (brain autopsy ) பற்றி ஆராய்ந்து கொண்டிருக்கிறான். அந்த ஆராய்ச்சிக்கு உதவியாக இருக்குமேனு தான் அவன் இந்த பிரேத பரிசோதனை யை விரும்பி ஏற்று செய்கிறான்.

சிவப்ரகாஷம் எம்பிபிஎஸ், எம்.எஸ் , அண்ணா நகரில் வீடு , மனைவி பெயர் நிர்மலா அவளும் மருத்துவரே ஆனா வேலை பாக்குறது சென்னை யின் பிரபல தனியார் மருத்துவமனையில் நியுராலஜி நிபுணர். இரண்டு குழந்தைங்க ரெண்டும் பெண் என்பதில் சிவாவுக்கு சந்தோசம் நிம்மிக்கு கொஞ்சம் வருத்தம். மூத்தவள் நிஷாவுக்கு 9 வயது 4வது படிக்கிறாள், இளையவள் ப்ரியா சமீபத்திய வெளியீடு நாளைக்கு தான் முதல் பிறந்த தினக்கொண்டாட்டம்.

பேக் டூ ஹாஸ்பிடல்...

குளிரில் நடுங்காமல் வீராப்புடன் இருக்கும் மத்திய அமைச்சர் தில்லைநாயகத்தை பார்த்தான். பாதுகாப்புத்துறை இனையமைச்சர் சகல மரியாதையுடன் டெல்லியில் வலம் வரும் தமிழக அமைச்சர்களில் ஒருவர் தொகுதி தென் மாவட்டத்தில் ஒன்று என்றாலும் சென்னை-டெல்லி ப்ளைட்டில் எப்பொழுதும் டிக்கெட் இருக்கும். மனுசன் பயங்கரமான கஞ்சன் நிறைய பிசினஸ் இருக்கு. ஒரே பையன்.

இன்று அதிகாலை சரியாக 2.55 க்கு கொல்லப்பட்டிருக்கிறார் தில்லை. கொடூரக்கொலை அவ்வளவு பாதுகாப்பு உள்ள பாதுகாப்புத்துறை இனைஅமைச்சரின் மரணம் அரசை ஆட வைத்துள்ளது.

ஒரு நிமிட மன ஓட்டத்திற்கு பின் இந்தாளோட மூளையை எடுத்துப்போய் வீட்ல உள்ள லேப்ல சோதிக்கனும்னு முடிவெடுத்தான் சிவா. ஒரு நொடிக்கும் குறைவான நேரத்தில் மூளையை அகற்றி தன் தொழில் சாதுர்யத்தை காட்டினான். பார்மலினில் மூளையை குளிக்க வைத்து தன்னுடைய பேக்கினுள் தள்ளினான்.

பிணவறை காவலாளியிடம் தன் அனுமதியில்லாமல் எந்த ப்ரேதத்தையும் வெளிச்செல்லக்கூடாது என்று கடுமையுடன் கூறிவிட்டு தன்னுடைய ஹோண்டா சிவிக்கை உசுப்பினான் சரியாக 30 நிமிடத்தில் வீட்டை அடைந்த்தான்.

தொடரும்...