ஒஸ்தி - விமர்சனம்

அதே டபாங் ரீமேக்.

சல்மான் கானின் முரட்டு உடம்பும் செதுக்கியது போன்ற மீசையுமே ஒரு கம்பீரமும் லேசான அந்த காமெடியையும் சொல்லியது டபாங் வரும் முன்னே.
சிம்பு காப்பாற்றினாரா டபாங் வெற்றியை....?

ரேவதியின் முதல் கணவனின் பிள்ளை சிம்பு , இரண்டாவது கணவரான நாசர் அவரின் பிள்ளை ஜித்தன் ரமேஷ். வழக்கம் போல மாற்றாந்தந்தை பிள்ளை பிரச்சினை.

ஒஸ்தி வேலன் திருநெல்வேலி பக்கம் ஒரு இன்ஸ்(இன்ஸ்பெக்டரை சந்தானம் இப்படி தான் அழைக்கின்றார்) கெட்டவனிடம் கொள்ளையடிக்கும் கெட்டிக்கார(?) ப்போலீஸ்.

அவருக்கு கூட்டணியாக காமெடி போலீஸ் க்ரூப்பே இருக்கு சந்தானம் மயில்சாமி தம்பி ராமையா இப்படி கொள்ள பேரு.

ரிச்சா ஹீரோயின் ஏன் படத்துல இருக்காருனு பார்த்தா நம்ம சிம்புக்கு எப்படியும் ஜோடி வேணும்ல அதான் படத்துல அந்த பொண்ண ஒட்ட வச்சிருக்காரு இயக்குநர் தரணி.

டபாங்கில் இருக்கும் அதேடெம்ப்ளட் காட்சிகள் , எல்லோருக்கும் எப்படியும் கதை தெரியும் சரி திரைக்கதை சும்மா விர்ர்ர்ர்ர்ர்ர்ர்ர்ர்ர்ர்னு போகனும்ல அங்க தான் தரணி சொதப்பிட்டார் கில்லி , தூள்லாம் எங்க போச்சோ...

சிம்புவை ஒரு காலேஜ் பாய் தோற்றத்தில் தான் பார்க்க தூண்டுகிறது. எப்படி விஜய் போலீஸ் டிரெஸ் போட்டு காமெடி செய்தார் அதே போல சிரிப்பு வருகிறது, அவருக்கு பொருந்தவில்லை என்றே எனக்கு தோனுது.

நல்லா டான்ஸ் ஆடுகின்றார் அடி உதை கொடுக்கின்றார் காமெடியும் செய்கின்றார் ஆனாலும் அந்த மெயின் ரோலான போலீஸ் இன்ஸ் வேலை தான் அவருக்கு செட் ஆகல்.

ரிச்சா மொழு மொழுனு இருக்கார் மயக்கம் என்னவில் செல்வா அருமையாக நடிக்க வச்சிருந்தார் தரணி இப்படத்தில் சும்மா வச்சிருக்கார்.

ரிச்சாவின் அப்பாவாக சிம்புவின் லேட்டஸ் ப்ரண்ட் விடிவி கணேஷ்

டபாங்கில் இருக்கும் வேகம் இதில் இல்லை காரணம் சிம்புவிற்கு பொருந்தாத போலீஸ் தோற்றம்.

படத்துல க்ரீன்மேட் வேலைகள் ரெம்ப அதிகம். எத்தனை மீட்டர் துணி வாங்குனாங்களோ எங்க பார்த்தாலும் சண்டை பாடல்களில் ஒரே சிஜி.

ஒஸ்தி , டபாங்க நெருங்கவில்லை.

மயக்கம் என்ன

நடிகர்கள் : தனுஷ் , ரிச்சா
இசை : ஜீ.வீ.பிரகாஷ்
இயக்கம் : செல்வராகவன்
தயாரிப்பு : ஜெமினி பிலிம் சர்க்கியூட்

வைல்ட் லைப் போட்டோ கிராபர் ஆகனும்னு ஆசைப்படுகிற தனுஷ் அதற்கு உதவி புரியும் நண்பர்கள். நட்பு வட்டம் மிகவும் நெருக்கமானதாக இருக்கிறது. நண்பன் ஒருவன் டேட்டிங்கு அழைத்து வரும் பெண்ணிற்கும் , தனுஷ்க்கும் லவ் ஏற்பட நட்பு உடைந்து பின் சேர்ந்து தனுஸ் அந்த பெண்ணுடன் திருமண வாழ்வில் இனைகின்றார்.

அவருடைய லட்சியமான வைல்ட் லைப் போட்டோகிராபர் முயற்சி ஒருவரால் ஏமாற்றப்பட்டு அதன் உச்சத்தில் நிகழும் விபத்தில் மனநிலை பிறழ்ந்தவராக மாறுகிறார்.

காதல் மனைவி என்ன செய்கின்றார்? தனுஸ் லட்சியத்தை அடைந்தாரா?

தனுஷின் அந்த ’ஜீனியஸ் ’ பட்டம் கொடுத்து அழைக்கும் நட்பு வட்டத்தில் செம இயல்பு. நண்பனின் கேர்ள்பிரண்ட் தன்னை லவ் செய்வதும் அதில் இருந்து அவர் விலகி ஓட நினைப்பதும் இயல்பான நடிப்பு தனுஷின் உழைப்பு அபாரமானது. இரண்டாம் பாதில் மனநிலை பிறழ்ந்தவராக தனுஷ் பிச்சு உதறி இருக்கின்றார். இன்னொரு தேசிய விருது கொடுத்தாலும் ஆச்சரியம் இல்லை.

நண்பனின் கேர்ள் பிரண்டாக வந்து தனுஷிடம் காதலில் விழுவதாகட்டும் தனுஷை பார்த்து கொள்வதாகட்டும் அந்த விழிகளிலே என்னா ஒரு எக்ஸ்பிரசன்ஸ் கொடுக்கிறார் ரிச்சா. பிரமிப்பு தான் ஏற்படுகிறது அறிமுக நடிகைக்கு இப்படி ஒரு வாய்ப்பு அதை சரியாக பயன்படுத்தி பட்டைய கெளப்பிருக்கார்.

கணவனின் போட்டோக்களை பத்திரிக்கைகளுக்கு அனுப்பி அவனுக்கு மது கொடுத்து அவனை பத்திரமாக பார்த்து , ரிச்சா நடிப்பில் ரிச்சாக இருக்கிறார்.

கடைசியில் அந்த க்ளைமாக்ஸ் ரிச்சாவின் பெர்பார்ர்மன்ஸ் அருமை அருமை.

இந்த மாதிரி கதை எடுத்து அதை மெதுவாக நகர்த்தி அழகான இயல்பான வசனங்களில் செல்வா மீண்டும் நிரூபிக்கின்றார் அவரது ஆளுமையை


மயக்கம் என்ன - மாற்றுத்திரைப்படம்

கட்டாயம் பாருங்கள் பிடிக்கும்.

வந்தான் வென்றான் - விமர்சனம்

ஜீவா - நந்தா இருவரும் தம்பி - அண்ணன். மாற்றந்தந்தையின்(மாற்றாந்தாய் போல) பிள்ளைகள் இருவரும். அண்ணனுக்கு தம்பி மேல் வெறுப்பு , நந்தா ஊரை விட்டு 10 வயதில் ஓடி மும்பையில் கொஞ்சம் பெரிய டான்னாக இருக்கின்றார். அவரை திருத்தி ஊருக்கு மீண்டும் அழைத்து செல்ல அவரிடம் வருகிறார் ஜீவா.

அர்ஜூனாக ஜீவா இயல்பாய் இருக்கின்றார். அவரது காதலி அஞ்சனாவாக தப்சி. தப்சி நல்ல மெழுகு சிலை. கொஞ்சமாய நடிப்பு வருகிறது. ஆனாலும் அவரது முதிர்ச்சி தோற்றம் ஜீவாவின் இளமையான தோற்றத்தில் நமக்கு கொஞ்சம் ஜர்க் அடிக்கிறது. பாடல் காட்சிகளில் நல்லா இருக்கின்றார் தப்சி.

ஜீவா வழக்கம் போல துறு துறு இளைஞன். நல்லா செய்திருக்கார். சந்தானம் மும்பையில் நந்தாவிடம் சமையல்காரராக இருக்கின்றார். சமையலே தெரியாமல் சமையல்காராக இருக்கின்றார் சந்தானம் வரும் காட்சிகள் எப்பொழுதும் போல கல கல. கவுண்டரை ஞாபகப்படுத்துகிறார்.
“மூக்கை உருஞ்சிக்கிட்டே பேசுனா ரமணா குரல் வரும்னா மூக்கை சொரிஞ்சுகிட்டே பேசுனா தமனா குரல் வருமா” என்று டைமிங் காமெடி அவருக்கு கை கொடுக்கிறது.

முதல் பாதி முழுக்க ஜீவா ராச்சியம். இரண்டாம் பாதியில் நந்தா ஆளுகை நந்தா போன்ற இளைஞரை மும்பையின் டான் ஆக காட்டும் பொழுது சிரிப்பு வரக்கூடாது அல்லவா. நந்தா மிரட்டுகிறார் உடல் மொழியில் நந்தாவுக்கு ஈரத்திற்கு பின் நல்லதொரு வாய்ப்பு. கலக்கி இருக்கிறார். அதிலும் மிரட்டல் அவர் காதலியின் பிரிவு இதையெல்லாம் முகத்திலே இறுக்கத்துடன் வெளிப்படுத்தி சபாஷ் வாங்குகின்றார்.

ஏற்கனவே 3 பாடல் செம ஹிட் அவை படமாக்கிய விதமும் அருமை. அஞ்சனா அஞ்சான, காஞ்சன மாலா பாடல்கள் பிரமாதம்.

பிஜி முத்தையாவின் கேமரா திருவிளையாடளே. நல்லா கொடுத்திருக்கார்

தமனின் இசையில் ஈரத்திற்கு அப்புறம் தமிழில் நல்ல பாடல்கள். தெலுங்குல ஹிட் கொடுக்கின்றவர் இப்பொழுது தமிழிலும்.

வி.டி.விஜயனின் படக்கோர்வை அருமை வேகத்திற்கு வேகம் காதலுக்கு நிதானம் என்று நல்லா செய்திருக்கிறார்.

கண்ணனின் திரைக்கதையில் சில சறுக்கல்கள் பட்டுக்கோட்டை பிரபாகரின் வசனம் பெரிய சார்ப்பா இல்லை.

மெயின் ஹீரோ ஜீவா இரண்டாம் பாதியில் இல்லாமலே போவது போன்ற தோற்றம் படத்தின் பலகீனம்.  அந்த க்ளைமாக்ஸ் உல்டா செம சொதப்பல்.

ஆனாலும் தலைப்பிற்கேற்ற படம் வந்தான் வென்றான்

எங்கேயும் எப்போதும் - திரைவிமர்சனம்

சென்னை - திருச்சி மற்றும் திருச்சி - சென்னை முறையே தனியார் மற்றும் அரசுப்பேருந்து புறப்படுகிறது அவை இரண்டும் நேருக்கு நேர் மோதி ஒரு விபத்து. அதில் பயணிக்கும் கதாப்பாத்திரங்கள் மற்றும் முக்கிய பாத்திரங்களின்(திரைப்படத்தின்) கதையே எங்கேயும் எப்போது.

அனன்யா - சரவ் காதல் செம சுவாரஸ்யம். அனன்யாவுக்கு உதவும் முன்பின் தெரியாத சரவ்வின் உடல் மொழி செம அட்டகாசம் புது ஹீரோ கிடைச்சுட்டார். படம் பார்ப்பதற்கு முன் அனன்யாவா பிகர் சுமார் தான்னு நினைச்சேன் அந்த திருச்சி போன்ற சிறிய நகரத்தின் பெண் பாத்திரத்திற்கு ஏற்ற நடிப்பு . சரவ்வின் பேரையே கடைசியாக(படம் முடியும் போது) தான் கேட்ப்பார் நமக்கும் அப்போழுது தான் தெரிய வருகிறது. நல்ல அருமையான காதல் கதை இவர்களுடையது. இருவருக்கும் காதல் வந்து சரவ் அனன்யாவை தேடி திருச்சியும் அனன்யா இவரை தேடி சென்னை வந்து பின் திரும்பி செல்லும் போது இருவர் வந்த பேருந்தும் நேருக்கு நேர் மோதி விபத்து.

அஞ்சலி - ஜெய் காதல் அட்டகாசம் கொஞ்சம் போல்ட் ஆன திருச்சி பெண்ணாக அஞ்சலி, திருச்சியில் தங்கி வேலைபார்க்கும் ரெம்ப நல்ல கிராமத்து பையனாக ஜெய். ஜெய்க்கு கூட நடிக்க வருகிறது முந்தைய படங்களுக்கு ரெம்ப ரெம்ப நல்லா பண்ணிருக்கார். ஆனாலும் அஞ்சலில் கேரக்ட்டரைஷேசன் ரெம்ப அருமை. போல்ட் ஆன பொண்ணு காதலிப்பவனை அப்பாவிடம் அனுப்பி சம்மதம் கேட்க்க வைப்பது, அவனை உடல் உறுப்பு தானம் செய்ய வைப்பது எல்லாம் தினிக்கப்படாமல் அவரது கேரக்கடருக்கு ஏற்ற காட்சிகள் படத்தில்.

அந்த பேருந்தில் பயணிக்கும் ஒரு இளைஞனுக்கும் , இளைஞிக்கும் அங்கே மலரும் காதல் , துபாய்யில் 5 வருஷம் இருந்து முதல் முதலாக குழந்தையை பார்க்க வரும் நபர். அவர் குழந்தை நிஜமானு கேட்க்க இவர் பக்கத்தில் இருப்பவரிடம் ஆமானு சொல்ல சொல்ல போன் கொடுக்க அவர் கோபமாய் போனை வாங்க போனின் மறுமுனையில் அந்த குழந்தை லஞ்ச் சாப்பிட்டீங்களா அங்கிள் நு கேட்க்க மனுசன் முக மலர்ச்சியாவது இது போன்ற இயல்பான திரைக்கதை காட்சிகள்.

புதிய திருமண ஜோடி , ஒரு குழந்தை அதன் தாய் எல்லாம் கவனிப்பு பெறுகின்றார்கள்.

படத்தின் மற்றொரு ப்ளஸ் கேமரா மேன் சிறுத்தை யில் பணிபுரிந்த வேல்ராஜ்  நல்லா செய்திருக்கார் முன்னரே நிறைய படம் செய்திருக்கின்றார்.

அந்த விபத்து காட்சி அதில் உறையும் நம்மை ஒவ்வொரு காரக்டரின் சோகத்திற்கே இழுத்து செல்வது நம்மை அறியாமல் நடை பெறுகிறது.

அஞ்சலி செம துரு துருனு இருக்கார். அழகாக இருக்கின்றார். அவ்வளவு போல்ட் ஆன பொண்ணு ஜெய்யை ஆம்புலன்ஸில் சும்மா அனுப்புகிறார்னு நினைத்தால் அவனுக்கு காதுல ரத்தம் வந்துச்சு எனக்கு பயமா இருக்குனு கதறுகிறார்,

ஜெய் உடலை பார்த்து அழும் போது நமக்கும் அழுகை வருகிறது. அஞ்சலி மாதிரி நடிக்க தெரிஞ்ச பொண்ணுக்கு வாய்ப்பு கொடுங்க இயக்குநர்களே.

கதை , திரைக்கதை அதை எடுத்தவிதம் எல்லாம் சரியாக இருக்க இயக்குநராக சரவணன் நல்லா கொடுத்திருக்கார்.

காட்சிகளோடு ஒட்டிய இயல்பை மீறாத பாடல்கள் நன்றாக ரசிக்க வைக்கிறது. இசை அமைப்பாளர் நல்ல செய்திருக்கின்றார்.

அன்றாடம் செய்தி தான் படம் நல்ல மெசேஜ் கூடவே உறுப்பு தானம் பற்றியும் சொல்லிருக்காங்க

படம் பார்த்து முடித்தும் இன்னும் நினைவில் இருந்து மாறவில்லை

விமர்சனத்தை இவ்வளவு நீளமாக காட்சிகளை சொல்லி சொல்லிவிட்டாலும் அதை திரையில் உணரும் பொழுது நிச்சயம் ரசிப்பீர்கள்.

எங்கேயும் எப்போது - விபத்து நேரலாம் வரும் முன் காப்போம். நல்ல படம் கட்டாயம் விரசம் இல்லை குடும்பத்துடன் பார்க்கலாம்.

மங்காத்தா - விமர்சனம்

மும்பை தாராவியின் பெரிய தலை செட்டியார்(ஜெயபிரகாஷ்) அவரின் ஒரே மகள் த்ரிஷா. ஐபிஎல் பைனல் மேட்ச்சில் பெரிய பணம் 500 கோடி கறுப்பு பணம்(ஆனா எல்லாம் டாலரா தான் இருந்துச்சு :) ) சூதாட்டத்தில் ஈடுபடப்போவது தெரிந்த செட்டியார் மும்பை டான் களிடம் பேசி அந்த பணத்தை கை மாத்தி விடும் பொறுப்பை ஏற்கிறார்.

இது தெரிந்து அவரிடம் வேலை பார்க்கும் வேலையாள் , தாராவி எஸ். ஐ  கணேஷ், தாராவியில் இருக்கும் பார் ஓனர் மகத் , அவருடைய ஐஐடி கோல்மெடலிஸ்ட் நண்பர் ப்ரேம்(ப்ரேம்ஜி) எல்லோரும் சேர்ந்து பணத்தை கொள்ளையடிக்க திட்டம் போடுறாங்க.

அதே பணத்தை கொள்ளையடிக்க அவர்களுடன் நுழைகிறார் தல , அவர் சஸ்பெண்ட் செய்யப்பட்ட இன்ஸ்பெக்டர் வினாயக், செட்டியார் பெண்ணை கரெக்ட் செய்து செட்டியாரிடமும் பழகுகிறார்.

சில பல கோக்கு மாக்குகளை செய்து பணத்தை கொள்ளையிடுகிறது இந்த கேங்க். கேங்கிலே பணத்தை மொத்தமாக அடிக்க தல பிளான் போடுகின்றார். பணத்தை தேடி செட்டியார் கேங்க் அலைந்து நூல் பிடித்து  ஆட்களை நெருங்கினால் பணம் அங்கு இல்லை அதை தனியா சுட்டு ப்ரேம்ஜி , மகத்(பேர் தெரியல) லட்சுமிராய் கம்பி நீட்டுகின்றனர்.

பணத்தையும் ஆட்களையும் தேடி இறுதி கட்ட துரத்தல்கள். சூதாட்டத்தை தடுக்க அமைக்கப்பட்ட குழுவின் தலைமை போலீஸ் அதிகாரியாக அர்ஜூன். அவரும் பணத்தையும் ஆட்களையும் பிடிக்க அலைகின்றார்.

இறுதியில் பணம் கைபற்ற பட்டதா? யார் கைபற்றினார்கள்? செட்டியார்?அர்ஜீன், ப்ரேம்ஜி கேங், தல ... யாருக்கு பணம்

முழுக்க முழுக்க நெகட்டிவ் ரோல் தலைக்கு. அந்த நரை முடியிலும் ஹேண்ட்சம் ஆக இருக்கின்றார் தல. அவர் செய்யும் ஹ்யூமர் காமெடிகள் ரசிக்க வைக்கின்றன. தல மொத்ததில் நெகடிவ் காரெக்டரில் மின்னுகின்றார்.

த்ரிஷா ஒரு பாடலுக்கும் சில காட்சிகளுக்கும் மட்டுமே. ஹீரோயின்னு சொல்ல முடியாது அவருடைய கேரக்டருக்கு ஏற்ற காட்சிகள் மட்டுமே படத்தில் என்பது நல்ல விசயமே தேவையில்லாத செண்டிமெண்ட் இல்லாமல் இருக்கின்றது,

அஞ்சலி ஒரு பாட்டுக்கும், லெஷ்மி ராய் 2 பாட்டுக்கும் இருக்கின்றனர்.அஞ்சலி அவ்வளவு அழகு.

ஆக்சன்கிங் அர்ஜீன் வழக்கம் போல போலீஸ் அதிகாரி ஆனா சின்ன ட்வீஸ் இருக்கு க்ளைமாக்ஸ்ல.

வாடா பின்லேடா பாட்டு நல்லா இருக்கு படமாக்கிய விதம். விளையாடு மங்காத்தா பாட்டும் சூப்பர்.

ப்ரேம்ஜி காமெடியில் கலக்குகின்றார் மனுஷன் அந்த நூடுல்ஸ் தலையுடன் எண்ட்ரி ஆகும் போது காமெடி தான்.

விளையாட்டு பிள்ளைனு நினைச்ச வெங்கட் பிரபு திரைக்கதைய கொஞ்சம் கூட பிழை செய்யாமல் நகர்த்துகின்றார். அளவான தேவையான காட்சிகள் மட்டுமே கேரக்டர்களுக்கு. சபாஷ்.

யுவனின் பாட்டுகள் ஏற்கனவே கலக்கிவிட்டதால் பின்னனி இசையிலும் மனுசன் பின்னி எடுத்திருக்கார். அந்த தீம் மியுசிக் சான்ஸே இல்லை ராக்க்கிங்.

படம் கொஞ்சம் நீளம் தான் 2 மணி 40 நிமிசம் கிட்ட ஓடுது. ஆனாலும் போர் இல்லை.

ஏகப்பட்ட கெட்டவார்த்தைகள் சென்சாரில் சிக்கும்னு தெரிஞ்சே வச்சிருக்காங்க. அதிலும் கடைசியார் தல யின் வாய் உச்சரிப்பு என்ன சொல்றார்னு தெளிவா க்ளோசப்ல காட்டுறாங்க. என்ன பன்றது கெட்டவன் கேரக்டருக்கு சரிதான்.

அஜித் கொஞ்சம் சிரமப்பட்டு நடிச்சிருக்கார்.இருக்காதா டான்ஸ்லாம் ஆடியிருக்கார் :)  தலையின் 50 வது படம் தல தீபாவளி போல தான்.

எங்கேயும் காதல்

நடிப்பு : ஜெயம் ரவி, ஹன்ஸிகா மோத்வானி, சுமன், ராஜூ சுந்தரம்
இசை : ஹாரீஸ்
இயக்கம் : பிரபு தேவா

இந்தியாவில் இருக்கும் மேற்கத்திய கலாச்சாரம் பிடித்த ஆணும் , பாரீஸீல் இருக்கும் இந்திய கலாச்சாரம் பிடிக்கும் பெண்ணுக்கும் இடையே ஏற்படும் காதல்.

கமல்(ரவி) இந்திய பிசினஸ் மேன் வருடம் முழுவதும் உழைத்து ஒரு மாதம் பிரான்ஸில் ரெஸ்ட் எடுத்து அனுபவிக்க வரும் நபர். பெண் நண்பிகள் ஏராளம் காதல்னா வெறுப்பு. கயல் விழி(ஹன்சிஹா) பாரீஸீல் வளரும் இளம்பெண் இந்திய கலாச்சாரம் பிடிக்கும் ஒருவனுக்கு ஒருத்தி . கமலை கண்டவுடன் காதல் வருகிறது. கமலுக்கு அவருடைய ஒரு கேர்ள்பிரண்டால் ஏற்படும் ஆபத்தை தடுக்க முயற்சிக்கிறார். அங்கே சினேகம் ஆகும் நட்பு. ஹன்சிகாவுக்கு காதல் பொங்கி வழிய இவரே காதல்லாம் சுத்த ஹம்பக்னு பீட்டர் விட்டு கிளம்புகிறார் இந்தியாவுக்கு மீண்டும் பார்ட்டியில் சந்திக்கும் ஹன்சிகா தனக்கு பாய்பிரண்டுகள் நிறைய இருப்பது போல் காட்டி ரவியை பொறாமை பட வைக்கிறார். கடைசியில் பொய் என்று தெரிந்து விலகுகிறார். காதல் கை கூடியதா????

ரவி நல்லா டான்ஸ் ஆடுகிறார் என்ஞ்சாய் செய்கிறார். ஆனாலும் முகத்தில் ஒரு டல். கொடுக்கப்பட்ட வேலையை கரெக்ட்டா முடிக்கிறார்.

ஹன்சிகா அழகா இருக்கிறார். மாப்பிள்ளை படத்தைவிட செம க்யூட். ஆனாலும் ஏதோ வெள்ளைக்கார பெண் போன்ற தோற்றம் இருக்கிறது. முந்தைய படத்தைவிட இதில் நடிப்பு இன்னும் பெட்டர்.காதலிப்பதும் ஏமாறுவதும் நல்லாத்தான் இருக்கு. இவரை வச்சு கொஞ்சம் காமெடி பரவாயில்லை.

ரவியின் நண்பராக சில காட்சிகளில் தலைகாட்டும் ராஜூ சுந்தரம் சிரிப்பே வரலை சார்.

ஹன்சிகாவின் அப்பாவாக பிரைவேட் டிடெக்டிவ்வாக சுமன் ஏதோ வந்து போகிறார்.

படம் முழுவது எல்லா காட்சிகளிலும் ரவி, ஹன்சிகா அல்லது இருவரில் ஒருவர் கட்டாயம் உள்ளார்,

பிரபு தேவா எங்கேயும் காதல் படத்துக்கும் கொஞ்சம் கதை சொல்லவும் வருகிறார்.

படம் ரெம்ப சின்ன படம் 2 மணி நேரம் கூட இல்லை.

பாரீஸையும் இளம் யுவதிகளையும் அழகாக படம் பிடித்துள்ளனர், நல்ல கேமரா

ஹாரீஸ் இசையில் பாடல்கள் ஓக்கே பின்னனி இசை குறிப்பிடதகுந்தபடி இல்லை.

முழுக்க முழுக்க பாரீஸ் என்பதால் இருவரை மட்டும் வைத்து படத்தை முடித்துள்ளார். ஆனாலும் ஏதோ நாடகம் போலே போகிறது. பாடல்களும் அடிக்கடி வரும் தோற்றம் உள்ளது.

ஏதோ 90களின் ஹிந்தி படங்களை போல இருக்கிறது அதிலும் கடைசி க்ளைமாக்ஸ் அச்சு அசல் ஹிந்தி டைப். கொஞ்சம் கூட பொருந்தாத க்ளைமாக்ஸ் வேற யோசனையே இல்லையோ

பாடல்கள், பாரீஸ் அப்புறம் ஹன்சிகாவுக்காக பாக்கலாம்.

எங்கேயும் காதல் - ஏமாற்றம்

எந்திரன் - விமர்சனம்

நடிகர்கள் : ரஜினி, ஐஸ்வர்யா ராய்
இசை : ஏ,ஆர், ரஹ்மான்
இயக்கம் : ஷங்கர்
தயாரிப்பு : சன் பிக்சர்ஸ்

ஆராய்ச்சியாளர் வசீகரன் 10 ஆண்டுகள் பாடுபட்டு ஒரு ரோபோவை (சிட்டி)வடிவமைக்கிறார். அதற்கு அவருடைய உருவத்தையே கொடுக்கிறார். இவரின் வளர்ச்சி அவருடைய குருநாதரான வில்லனுக்கு பிடிக்கவில்லை. ரஜினியை தூண்டிவிட்டு அதற்கு மனித குணநலன்களான உணர்வுகள், ஆசைகள் எல்லாம் உருவாக்க வைக்கிறார். உணர்வுகள் உண்டாகும் சகல பலம் பொருந்திய ரோபோவை போர்முனைக்கு பயன்படுத்த ஆசைப்படுகிறார் வசீகரன். ஆனால் எதிரி நாடுகளிடம் விற்க ஆசைப்படுகிறார் வில்லன். வசீகரனின் காதலி சனா (ஐஸ்) மீது ரோபோவிற்கு காதல் பொங்கி வழிய அதை அழிக்கின்றார் வசீ. மீண்டும் அதை உருவாக்கி அதனை அழிவுப்பாதைக்கு திருப்புகிறார் வில்லன். காதல் பித்து பிடிக்கும் ரோபோ என்னவெல்லாம் செய்கிறது ஒரு பெண்ணிற்காக என்பதே கதை. இறுதி வெற்றி யாருக்கு மனிதனா? ரோபோவா?

ரஜினிக்கு சயிண்டிஸ்ட் வேடம் பொருந்தவில்லை என்றே தோன்றுகிறது. ஆனாலும் ஆள் ரெம்ப ஸ்மாட்ர்ட் இளமையாக இருக்கிறார்.  அவருடைய உதவியாளர்களா சந்தாணம் மற்றும் கருணாஸ் சும்மா மொக்கை போடுகின்றனர். சயிண்டிஸ்டுக்கு படத்தில் பாடல் பாடுவதை தவிர வேறு ஹீரோயிசம் இல்லை. ரெம்ப சாதுவாக காட்சிகள் உள்ளது. அவர் உருவாக்கும் ரோபோ ரஜினி செம ஸ்மார்ட். மனுசன் பின்னுகிறார். நல்ல உடல் மொழி லாவகமான நடிப்பு என சகலமும் ஸ்கோர் செய்கிறார் ரோபோ ரஜினி. விஞ்ஞானியின் காதலியாக ஐஸ் , 36 வயசிலும் நல்லாத்தான் இருக்கார். நல்லா நடிக்கவும் செய்கிறார். ஆனாலும் நேட்டிவிட்டு ஒட்டவில்லை.

முதல் பாதியில் விஞ்ஞானியின் காதலும் , ரோபோவின் அட்டகாசங்களுமாக போகிறது. இரண்டாம்பாதியில் ரோபோ வில்லனாகி ஐஸை கடத்தை கொஞ்சம் சூடு பிடிக்கிறது, ஆனாலும் இழுவையான பேசும் காட்சி அமைப்புகள் செம போர் டயலாக் ரெம்ப போர். ஆத்தோ ஆத்துனு ஆத்துகின்றார்கள் ஆளாளுக்கு.

இரண்டாம் பாதியில் கடைசி 30 நிமிடங்கள் உச்சகட்ட கிராபிக்ஸ் அதுவே கொஞ்சம் திகட்டுகிறது எங்கு பார்த்தாலும் ரஜினி. மேலும் டெக்னிக்கல் வசனகங்கள் பெரும்பாலும் வலுவில்லை. ஏனோ தானோ என்றே இருக்கிறது சுஜாதா இல்லாதது அப்பட்டமாக தெரிகிறது.

ரோபோவின் சாகசங்களும் காட்சிகளும் நல்ல வடிவமைக்கு. இறுதிக்காட்சி கிராபிக்ஸ்களும் கலக்கல். டிரைலரில் பார்த்த சீன்களே படத்தில் பார்க்கும் பொழுது வேறு பரிணாமத்தையும் நம்முடைய காட்சிப்பிழையையும் சுட்டிக்காட்டுகிறது.

ஏ.ஆர்.ஆர் அசத்திருக்கார். கிராபிக்ஸ் டீம் நல்ல திறமையான வடிவமைப்புகளில் பின்னிருக்காங்க. ரத்னவேலுவின் கேமரா அருமை. ரோபோவை டிஸ்மாண்டலிங் பண்ணும் போது நல்லா இருக்கு இரண்டு தடவையும்.

இறுதிகாட்சிகளில் எங்கு நோக்கினும் ரஜினி என்பதால் ஆர்வம் ஏற்பட்டு பின்பு அதுவே சலிப்பை கொடுக்கிறது.

ரயில் காட்சியும் இறுதிக்காட்சிய்யும் தவிர பெரிய சுவாரஸ்யம் இல்லை. ரஜினி ரசிகன் எதிர்ப்பார்க்கும் ஹீரோயிச காட்சிகளும் இல்லை.

ரோபோ திரையரங்குகளில் மட்டுமே ரசித்து காண முடியும்.

ரோபோ போரோ என்றே தோன்றுகிறது.

நான் மகான் அல்ல விமர்சனம்

நடிப்பு: கார்த்தி , காஜல் அகர்வால் , ஜெயபிரகாஷ்
இயக்கம் : சுசீந்திரன்
இசை : யுவன்

போதையில் தடம் மாறிப்போகும் கல்லூரி மாணவர்கள் செய்யும் இரட்டைக்கொலைக்கு சாட்சியான நாயகனின் தந்தையை மாணவர்களே போட்டுத்தள்ள மாணவர்களை கருவறுக்க நாயகன் செல்கிறார். என்ன முடிவு என்பதே கதை.

சுசீந்திரன் முதல் படமாகிய வெண்ணிலா கபடிக்குழுவிற்கு பிறகு இயக்கி இருக்கும் இந்தப்படத்தில் முற்றிலும் மாறுபட்ட நகரத்து கதைக்களம். நாயகன் படித்துவிட்டு வேலைக்காக காத்திருக்கும் ஜாலியான இளைஞன் ஜீவாவாக கார்த்தி. அவர் ஆரம்பம் முதல் இடைவேளை செய்யும் சேட்டைகளும் , நையாண்டிகளும் இளைஞர்களின் வாழ்க்கையை கண் முன் நகர்த்துகிறது அதுவே முதல் பாதி விறுவிறுப்புக்கு உதவி செய்கிறது. ஆரம்ப காட்சிகளிலே நாயகியை காட்டிவிடுவதால் ஏதோ பெருசா கதைக்களம் இருக்கும் என்று தோன்றியது ஏமாற்றமே.கார்த்தி நன்றாக நடிக்கிறார், சண்டடை போடுகிறார் அதைவிட பருத்திவீரனில் இருந்து நான் மகான் அல்ல வரைக்கும் தொடரும் நக்கலும் நையாண்டியுமே அவருக்கு பலம். இயல்பாக பொருந்துகிறது அவருக்கு.

மிடில் க்ளாஸ் குடும்ப பிண்ணனி , கால் டாக்சி டிரைவர் மற்றும் நல்ல அப்பாவாக ஜெயபிரகாஷ் கிடைச்ச சின்ன கேரக்டரிலும் ஸ்கோர் செய்கிறார். காஜல் அகர்வால் ஒரு டூயட் ஒரு ஆரம்ப பாடலுக்கு பயன்பட்டிருக்கிறார் இடைவேளைக்கு அப்புறம் வரவே மாட்டேங்குறார். பொண்ணுக்கு நடிக்க ஸ்கோப் இல்லாத கேரக்டர். அழகாக இருப்பதால் தப்பிக்கிறார். இடைவேளைக்கு பிறகு என்ன ஆனார் எங்கே போனார் என்கிற விவரம் இல்லை.80ஸ் படங்கள் போல கடைசியில் எண்ட் கார்ட் போடும் போதாச்சும் காட்டிருக்கலாம்.

காமெடிக்கு கார்த்தியுடன் உறுதுணையாக இருப்பவர் வெண்ணிலா கபடிக்குழுவில் 50 புரோட்டா சாப்பிடுவாரே அவர்தான். இயல்பான பேச்சு மற்றும் உடல் மொழியால் கவர்கிறார்.

ஐந்து பசங்க சேர்ந்து சென்னையின் ஒதுக்குப்புற கடற்கரை ஏரியாவிற்கு வரும் காதலர்களை மிரட்டி அடித்து பெண்களை கவர்கின்றனர். காம வெறியில்  நண்பனின் காதலியையும் , நண்பனையும் போட்டுத்தள்ளுகின்றனர். விடலை பசங்கள் தான் என்றாலும் இருவர் நடிப்பில் கவர்கின்றனர். அந்த தாடிக்கார பையனும் , பரட்டைத்தலைப்பையனும்.

நாயகனுக்கு காமெடி தவிர ஸ்கோப் செய்யும் காட்சிகளும் இல்லை என்பதால் அடக்கி வாசித்து உள்ளார். இறுதி சண்டையில் சும்மா ரவுண்டு கட்டி அடிக்கிறார். காஜல் வீட்டில் மாப்பிள்ளை பார்க்கிறார்கள் என்றதும் நேரே வீட்டிற்கே சென்று காதலை காஜலின் தந்தையிடம் சொல்வது, காஜலை கரெக்ட் செய்ய பொய்யான காதல் தோல்வியை சொல்வது, வேக்கிள் ரெக்கவரில வேலைக்கு சேர்ந்து மேனஜரையும் அவரது மனைவியையும் சண்டை போட வைப்பது போன்று நகைச்சுவை காட்சிகளே அதிகம் அதற்காகவே படம் பாக்கலாம். முதல் பாதியில் நிறைய டைமிங் காமெடிகள்.

இரண்டாம் பாதியில் படம் பொசுக்குனு முடியுற மாதிரி இருக்கும். மொத்தம் 2 மணி நேரமே .

பாடல்களிலும் , பிஜிஎம்மிலும் யுவன் ராஜ்ஜியம்.

வா வா நிலவை, பாடல் அருமை. ஒரே ஒரு டூயட் அதுவும் அருமை .

நல்ல நகைச்சுவை கலந்த திரைக்கதை , இசை மற்றும் கார்த்தியின் ஈடுபாடு படத்தை காப்பாற்றும்.

நான் மாகன் அல்ல டைட்டிலுக்கும் படத்திற்கும் சம்பந்தம் இல்லை.

விண்ணைத்தாண்டி வருவாயா - விமர்சனம்

நடிப்பு : சிம்பு , த்ரிஷா மற்றும் சிலர்
இயக்கம் : கௌதம் வாசுதேவ மேனன்
இசை :ஏ.ஆர்.ரஹ்மான்

த்ரிஷாவின் திருமணம் நடைபெற்றுக்கொண்டிருக்கும் நேரத்தில் படம் ஆரம்பிக்கிறது. சிம்புவின் பார்வையில் படம் சொல்லப்படுகிறது.

கார்த்திக்(சிம்பு) மெக்கானிக்கல் பிரிவில் பொறியியல் முடித்து சினிமா ஆசையில் இயக்குநர் ஆக வேண்டும் என்று கனவோடு இருப்பவர். போலரிஸில் மென்பொருள் பணியில் இருக்கும் ஜெஸ்ஸி(த்ரிஷா) மலையாள கிறிஸ்துவக்குடும்ப பெண். ஜெஸ்ஸியின் வீட்டின் கீழ்த்தளத்தில் குடிவருகிறார்கள் சிம்பு குடும்பத்தினர்.

அங்கு த்ரிஷாவை கண்டவுடன் காதல் கொள்கிறார். அதை வெளிப்படுத்த துடிக்கிறார். சில இடைஞ்சல்கள் த்ரிஷா சிம்புவை விட ஒரு வயது மூத்தவர்,த்ரிஷாவின் அப்பாவிற்கு தன் மகளை ஒரு கிறிஸ்துவப்பையனுக்கு மணம் முடிக்க வேண்டும் என்ற எண்ணம்.

இவையெல்லாம் எடுத்துச்சொல்லியும் சிம்பு காதலில் உறுதியாக இருக்கிறார். த்ரிஷாவை தேடி கேரளா வரைக்கும் செல்கிறார். அந்த உருகலில் த்ரிஷா காதல் கொள்கிறார் ஆனால் வெளிப்படுத்த மறுக்கிறார். இந்த காதலினால் வலி தான் அதிகமாம் எனவே வேண்டாம் என்று மறுக்கிறார்.

இவர்களின் பழக்கம் த்ரிஷாவின் அண்ணனுக்கு தெரியவர அது கைகலப்பில் முடிய இரு குடும்பங்களும் இடையே பிரச்சினை ஏற்பட்டுவிடுகிறது. அப்பொழுது தான் த்ரிஷா தன் காதலை வெளிப்படுத்துகிறார் கோபத்தில்.


பெண்களுக்கே (காதலில்)ஏற்படும் முட்டாள் தனமான கோபத்தால் த்ரிஷா சிம்புவை பிரிகிறார்.

த்ரிஷாவை பிரிந்த வலியில் இருக்கும் சிம்பு தனது காதல் கதையே சினிமாவக எடுக்கிறார்.  படப்பிடிப்பின் போது த்ரிஷாவை சந்திக்கிறார். த்ரிஷாவிற்கும் இன்னும் கல்யாணம் ஆகவில்லை என்று தெரிந்தது சிம்பு , த்ரிஷா கல்யாணம் செய்துகொண்டு முதல் படமும் வெளியாகிறது. சிம்பு-த்ரிஷா என்ன ஆனார்கள்.....

க்ளைமாக்ஸ் இயக்குநரின் , காதலியின் பார்வையில் சொல்லப்பட்டிருப்பதால் இரட்டை க்ளைமாக்ஸ் போல தெரியும் ஆனாலும் நல்ல க்ளைமாக்ஸ். வித்தியாசம் தான் ஆண்டி க்ளைமாக்ஸ் என்றாலும்.

சிம்பு அடக்க ஒடுக்கமாக நடித்துள்ளார் கொஞ்சம் ஸ்மார்டாக இருக்கிறார், சாதரண மிடில் க்ளாஸ் வாலிபனாகவே வாழ்ந்துள்ளார். த்ரிஷா நிஜமாகவே கனவு தேவதை தான் த்ரிஷாவை இவ்வளவு அழகாக யாரும் காட்ட முடியாது. சிம்பு கூட இருக்கும் நண்பராக வரும் நபர் பெயர் தெரியவில்லை ஆனால் படத்தில் அவர் காக்க காக்க கேமரா மேன் கணேஷ் என்று காட்டப்படுகிறார்.

சிம்பு - த்ரிஷா - கணேஷ் இந்த மூவர் மட்டுமே படம் முழுவதும் வியாப்பித்துள்ளனர். வேறு சில நடிகர்கள் இருந்தாலும் சில காட்சிகள் மட்டுமே. சிம்புவின் ப்ரண்ட்ஸ் வட்டம் என்று தனிப்பட்டு காட்டப்படவில்லை என்பதால் சிறிது நகைச்சுவை தேக்கமே வாரணம் ஆயிரம் போல்.

சிம்பு - கணேஷ் த்ரிஷாவை தேடி கேரளா போவதும் த்ரிஷாவின் கல்யாணத்திற்கு போவதும் நல்ல காமெடி.

முதல் பாதி நன்றாக போகிறது த்ரிஷா பிரிந்து சென்ற பின்னர் திரைக்கதையில் கொஞ்சம் தொய்வு. சினிமாத்தனமான பில்டப் இல்லாத காதல் காட்சிகளும், காதல் பிரிவும். க்ளைமாக்ஸ் மட்டும் கொஞ்சம் சினிமாத்தனம் என்றாலும் ரசிக்க முடிகிறது. காதல் பிரிவை கொடுமையாக சித்தரித்த தமிழ் சினிமாவில் இந்த நடைமுறை காதல் பிரிவும் வித்தியாசமே.

பாடல்களில் ஏ.ஆர்.ஆர் பின்னிருக்கார். பிஜிஎம் ஏனோ ஆங்கில பாடல்களின் தொகுப்பு போலவே இருக்கிறது. பாடல்கள் அருமையோ அருமை...

பாடல்கள் படமாக்கப்பட்ட விதம் சூப்பர்ப்.

கேமரா நன்றாக கையாண்டுள்ளார். நிறைய க்ளோசப் ஷாட்டுகள் மூலம் த்ரிஷாவை(பெண்களுக்கு சிம்பு) ரசித்து ஏற்க வைத்துள்ளார்.

எடிட்டிங் ஆண்டனி சொல்லவா வேணும் நல்லாவே இருக்கு கேரள படகு பயணத்தில் கேமரா பயணிக்க அந்த தண்ணீரிலே பெயர் போடப்படுவது அழகு.

கௌதம் சொந்த கதையை படமாக்கிருப்பாரோனு தோனுது. நாகரீகமான மெச்சூரானா , நடுத்தர குடும்பத்து காதல். ஆபாசம் இல்லா அநாகரிகம் இல்லா காட்சிகள் குடும்பத்துடன் சென்று பார்க்கவைக்கும் முகம் சுழிக்க வைக்கா காட்சிகள். இந்த முறையை தன்படங்களில் கௌதம் எப்பொழுதும் பின்பற்றுகிறார்.

விண்ணைத்தாண்டி வருவாயா - தேவதையின் வெளிச்சம்

நண்பர்கள் திரையரங்கில் சென்று பார்த்து ஆதரவு தருமாறு பணிவுடன் கேட்டுக்கொள்கிறேன்.

அசல் - பழைய படங்களின் நகல்

நடிப்பு: அஜித் , பிரபு , சமீரா ரெட்டி ,  பாவனா , சுரேஷ் , யூகி சேது, சம்பத் , ராஜீவ் கிருஷ்ணா.
இசை : பரத்வாஜ்
இயக்கம் : சரண்
தயாரிப்பு : சிவாஜி பிலிம்ஸ்

கதை:

ப்ரான்ஸில் வசிக்கும் ஜீவானந்ததின்(அப்பா அஜீத்) மனைவியின் மகன்களுக்கும் , அவருடைய இல்லீகல் மனைவியின் மகனுக்கும்(மற்றொரு அஜீத்) நடக்கும் போட்டியில் யார் அசல் வாரிசாக இறுதியில் ஜெயிக்கிறார்கள் என்பதே.

ஜீவானந்தம் பல்வேறு நாடுகளுக்கு சட்டப்படி ஆயுதம் ஏற்றுமதி செய்யும் யுரோசியா எனும் நிறுவனத்தை நடத்துகின்றார் அவரது மகன்களாக சம்பத் மற்றும் ராஜூவ் கிருஷ்ணா. அவரது மற்றொரு மகன் சிவாவாக மற்றொரு அஜீத். ஜீவானந்தம் , சிவாவை நம்பி மட்டுமே பொறுப்புகள் கொடுக்க மிச்ச இரண்டு மகன்களுக்கும் கோபம். ஜீவானந்திற்கு பிடிக்காத இல்லீகல் ஆயுத பிசினஸ் செய்ய முற்படுகின்றனர் இருவரும். இந்நிலையில்  ஜீவானந்தம் மகன்களால் கொல்லப்படுகிறார். ஆயூத கடத்தலில் ஏற்படும் போட்டி காரணமாக ராஜீவ் கிருஷ்ணாவை மும்பையில் இருக்கும் கும்பல் கடத்துகிறது. அவரை விடுவிக்க அஜீத் மும்பை பயனமாகிறார். அவருடன் அவருடைய உதவியாளர் சமீராவும் மும்பை செல்கிறார். சமீராவுக்கு அஜித் மேல் காதல்.

மும்பையில் ஜீவானந்ததின் நண்பரான பிரபுவின் பாதுகாப்பில் இருக்கின்றனர். பிரபுவிடம் வேலை பார்க்கும் பாவனாவும் கண்டவுடன் காதல் கொள்கிறார். மேலும் பிரபுவிடம் வேலைபார்க்கும் டான் சமோஷா பேரைப்படித்தாலே காமெடி பீஸூனு தெரியுது தானே ஆமாம் கதையின் சொந்தக்காரரான யூகி சேது. அவருக்கு இரண்டு அடிப்பொடிகள் ஜீரா , சட்னி என்ற நாமகரணத்துடன்.
இவர்கள் செய்யும் சேட்டைகள் சிறிது சிரிப்பை வரவழைக்கின்றன.

இடையே பாவனா இரண்டு டூயட்டும், சமீரா ஒரு டூயட்டும் முடிக்கின்றனர். மும்பை கும்பலில் இருந்து ராஜீவ் கிருஷ்ணாவை மீட்டும் திரும்பும் போது அஜீத்தை போட்டு தள்ளுகின்றனர் ராஜீவும், சம்பத்தும். போட்டாச்சு இண்டர்வெல்.

பேக் டூ பாரீஸ் ஏன் அஜித்தை  கொலை செய்ய முயற்சித்தார்கள்? அவர்களை அஜீத் எப்படி பழி வாங்கினார் என்பது தான் மிச்ச சொச்சம்.

வழக்கமான ப்ழைய காலத்து காட்சி அமைப்புகள். மும்பை என்று சொல்லிவிட்டு அதைக்கூட மலேசியாவில் படமாக்கியுள்ளனர். பாரீஸையும் அறிமுக கேமராமேன் அற்புதமாக படமாக்கியுள்ளார். வில்லன் போலீஸாக வரும் சுரேஷ்(பழைய நதியா சுரேஸே தான்) கடைசியில் திருந்துவது அக்மார்க் தமிழ் சினிமா.

சமீரா, பாவனா முன்னவர் குதிரை பின்னவர் மான் குட்டி. ஆனாலும் மான் மனதில் ஒட்டிக்கொள்கிறது. அசடாக நடித்துள்ளார் பாவனா.

இசை பரத்வாஜ் இன்னும் அப்படியே தூங்கிகிட்டு இருக்கார். ஒன்னுமே சரியில்லை பிஜிஎமெல்லாம். பாட்டு 2-3 தேறுது.

ஆண்டனியின் படத்தொகுப்பு நல்லா இருக்கு.

சரன் இனிமேலாச்சும் பழைய கதை, பழைய சீன்கள் , பழைய திரைக்கதையை விடுங்க ப்ளீஸ். சரனும் பரத்வாஜ்ஜூம் கொஞ்சம் இல்லை இல்லை நிறைய மாறனும். ஜெயித்த கூட்டணி என்பதற்காக ஜெயித்த கதைகளையும் காட்சி அமைப்புகளையும் அடுக்குவது ஆவ்வ்வ்வ் சொல்ல வைக்குது. காட்சிகள் அனைத்தும் முன் கூட்டியே யூகிக்க வைக்கின்றன.

அசல் பழைய காட்சிகளின் நகல்

ஆயிரத்தில் ஒருவன்

இந்த திரைப்படத்தின் விமர்சனம் ஏற்கனவே நிறைய தளங்களில் அலசி அடித்துப்போடப்பட்டிருக்கு இருந்தாலும் எனக்கும் எழுத கிடைத்த ஒரு வாய்ப்பாக விமர்சனம் செய்கின்றேன். நேரம் இல்லாத காரணத்தால் இந்த தாமத விமர்சனம்.
நடிப்பு: ரீமாசென் , கார்த்தி ,ஆண்ட்ரியா மற்றும் மிகப்பெரிய கூட்டமே இருக்கிறார்கள்  
இயக்கம் : செல்வராகவன்  
இசை : ஜிவி பிரகாஷ்  
தயாரிப்பு : ரவீந்திரன்  


தெருக்கூத்தில் ஆரம்பிக்கிறது கதை 1279 ல் சோழப்பேரரசு , பாண்டிய பேரரசுவிடம் வீழ்வதாக காட்டப்படுகிறது. அந்த சமயத்தில் சோழர்களின் வாரிசை காப்பாற்ற ஒரு கூட்டமாக சோழர்கள் வெளியேறுகிறார்கள் செல்லும் பொழுது பாண்டியர்களிடமிருந்து கைபற்றிய பாண்டியர்களின் குல தெய்வ சிலையை கொண்டு செல்கின்றனர். செல்லும் சோழர்கள் தென்கிழக்கே வியாட்நாம் அருகே உள்ள ஒரு தீவில் இருப்பதாக தெரிகிறது ஆனால் அவர்களை யாரும் எளிதில் சென்று சேரா வண்ணம் 7 வகையான ஆபத்தினை உருவாக்கி வைத்து விட்டு செல்கின்றனர் சோழர்கள். தூது வரும் வரை அந்த தீவிலே காத்திருக்க உத்தரவு. 


தற்காலத்தில் அந்த சோழ இனத்தவரை தேடி ஆராய்ச்சியாளர்களின் பயணம் இருக்கிறது அதில் காணாமல் போன பிரதாப்போத்தன் ஆண்ட்ரியாவின் தந்தை. ஆண்டிரியாவும் ஒரு தொல்பொருள் ஆராய்ச்ச்சியாளர். ரீமா சென் என்னவா இருக்காருனு சொல்லப்படவில்லை அவர் தலைமையில் ஒரு குழு அந்த இளவரசன் வாழ்ந்த இடத்தை காண செல்கிறது. அந்த குழுவில் ஆண்டிரியாவும் இணைகிறார். இவர்கள் குழுவிற்கு உதவியாக எடுபிடி வேலை செய்யும் குழுவின் தலைவனாக கார்த்தி. கார்த்தி ஒரு எம்ஜிஆர் ரசிகர் என்று காட்டப்படுகிறது. ஆரம்ப காட்சிகளில் பின்புலத்தில் ஒரே எம்ஜிஆர் பாடல்களே ஒலிக்கிறது.  


கார்த்தி சவுண்ட் விடுவதும் , சைட் அடிப்பதுமே முழு நேரமாக செய்கிறார். அதிலும் ரீமா/ஆண்ட்ரியாவினை பார்க்கும் போது அவரின் பார்வையையே சென்சார் செய்யலாம் எனும் அளவிற்கு இருக்கிறது. 




முதல் ஆபத்து கடலில் தோன்றும் ஒரு வித்தியாசமான பிராணி(?) யால் அதில் சிலர் இறக்கின்றனர்.  


இரண்டாவது ஆபத்து செவ்விந்தியர்களால் அவர்களையும் சுட்டு சாய்க்கின்றனர் அதிகமான ரத்தம் இந்த காட்சிகளில் . இங்கே இந்த காட்சியை 5 நிமிடம் கூட இல்லாமல் சுத்தமாக வெட்டி விட்டனர் சென்சாரில் ஆனாலும் பார்த்துட்டோம்ல.  


மூன்றாவது ஆபத்து தங்குமிடத்தில் ஏராளமான பாம்புகள் படையெடுத்து நாசம் செய்கிறது. இந்த இடத்தில் தப்பிக்கும் முயற்சியில் கார்த்தி‍‍ + ரீமா + ஆண்ட்ரியா மூவரும் மற்றவர்களிடம் இருந்து தனித்துப்பிரிகின்றனர். இந்த பொண்ணுங்க ஆங்கில கெட்டவார்த்தைகளை எல்லாம் சரளமாக பேசுகின்றனர் அதை சென்சார் செய்தாலும் நன்றாகவே கேட்க முடிகிறது. மூவரும் பாலைவனத்தை கடக்கின்றனர் பசி தாகத்துடன்.  


மூவரும் ஒரு சதுப்பு நிலம் போன்ற இடத்தில் செல்கின்றனர் இங்கே கண்ணுக்கு அறியா புதைகுழிகள் ஏராளம் அதை எப்படி கடப்பது என்று ஆர்க்கியாலஸிட் ஆண்ட்ரியா கண்டுபிடிக்கிறார் ஓலைச்சுவடிகள் மூலம். நல்ல ரசனையான கண்டுபிடிப்பு மேலும் இந்த இடத்தில் பேக்கிரவுண்ட் இசை அருமை. என்ன யுவன் இருந்தால் இன்னும் மெனக்கெட்டிருப்பார்.  


அடுத்த ஆபத்தாக கிராமம் சோழர்கள் வாழ்ந்த இடத்தை கண்டுபிடித்தாக பெருமைப்படுகின்றன்ர் அங்கே ஒரு பாட்டு ஒம்மேல ஆசை தான் பாட்டு. அந்த பாட்டு எடுக்கப்பட்டிருக்கும் இடம் அருமையான லொகேசன் படத்தின் கதைக்கு நல்ல வழு சேர்க்கும் இடம். பாடல் முடிந்த உடன் இருக்கும் காட்சி அருமையோ அருமை. அதாவது அந்த இடத்தை கடப்பவர்களுக்கு சூணியம் வைத்தது போல பைத்தியம் பிடித்து தன்னிலை மறப்பர். இந்த காட்சியில் மூவரும் நடிப்பில் பின்னி பெடல் எடுத்திருப்பாங்க. 


அந்த சுயநினைவில்லா நிலையில் சோழர்களின் இடத்தை அடைகின்றனர். அங்கே அவர்களுக்கு அதிர்ச்சி இன்னும் சோழர்கள் வாழ்ந்துகொண்டிருப்பதை பார்த்து. மிகவும் வறுமையில் ஒரு வேளை உணவிற்காக சோழர்கள் தடுமாறிக்கொண்டிருக்கின்றனர் இந்த சோழர்களின் அரசனாக பார்த்திபன் நல்ல மிடுக்காக நடித்துள்ளார். நல்ல கம்ப்பீரம் குரலும் ஒத்துழைக்கிறது ராசாவிற்கு. 


சோழர்கள் இன்னும் பழைய பேச்சுத்தமிழையே பயன்படுத்துகின்றனர். அந்த தமிழ் பெரும்பாலோனருக்கு புரியவில்லை என்பது இயக்குனருக்கு தோல்வியே சப்டைட்டில் போட்டிருக்கலாம். இலங்கைத்தமிழ் பேச்சு வழக்கு போல் இருக்கிறது கேட்க.  


சோழர்களிடம் அகப்படும் மூவரும் சித்திரவதைக்குள்ளாக்கப்படுகின்றனர். அந்த சமயத்தில் ரீமா தான் சோழர்களின் தளபதி உடையார் (என்னமோ பேர் சொல்கின்றார்) அவருடைய மகள் என்று விளிக்கிறார் . சோழர்கள் நாட்டின் பாதுகாப்பிறாக இரண்டு இனங்களில்(உடையார், வெள்ளாளர்) பெரும்பாலும் திருமணம் செய்வதாக படித்துள்ளது ஞாபகம் வந்தது. அரசன் நம்மும்படியாக தன் முதுகில் புலிக்கொடியை தோன்ற செய்து மறைக்கிறார் ரீமா. 




எல்லோரும் அந்த சூழலில் நம்பி ரீமாவை தூதுவனாக ஏற்று கொண்டாடி மகிழ்கின்றர். ரீமா பாண்டிய குல தோன்றல் எனவே சோழர்களை பழிதீர்த்து தெய்வ சிலையை மீட்க இவ்வாறு நாடகம் ஆடுகிறார்.  


ரீமா மீட்டாரா? சோழர்கள் என்ன ஆனார்கள்? கார்த்தி என்ன ஆனார்?  




படத்தின் ப்ளஸ் பாயிண்டுகள்  


* அருமையான லொகேசன்கள் 
* அருமையான கலை இயக்கம் (ஆர்ட் டைரக்சன்)
* நல்ல கேமரா * மிக நீண்ட ஆராய்ச்சி 
* ரீமாவின் மிரட்டும் நடிப்பு  


இந்த படத்தைப்பற்றி பொதுவாக மீடியாக்கள் தூற்றுகின்றன ஏன் என்றே தெரியவில்லை. ஆரம்பத்திலே இது ஒரு கற்பனை நிஜமல்லனு கார்ட் போட்ட பின்பும் ஏன் இன்னும் சோழர்களின் வாழ்க்கை முறை வாழ்ந்த முறையை பத்திரிக்கைகள் அடம்பிடித்து எழுதுகின்றன? ஆங்கில பட்த்திற்கு இனை என்றே இந்த படத்தினை குறிப்பிடலாம் 30 கோடியில் இவ்வளவு பிரமாண்டமான படத்தை சங்கர் கூட நினைத்து பார்க்கமாட்டார்.  


படத்தில் க்ளாமர் அதிகமாக இருப்பதாகவும் ஒரு பேச்சு நிஜம் தான் ரசிகர்களை வறட்சியாக பாலைவனம், பாம்பு என்று போரடிக்காமல் இருக்கவே செல்வா பயன்படுத்திருககர். ஆனாலும் வழக்கமான செல்வா படங்களின் கவர்ச்சி இலக்கணங்கள் இந்த படத்திற்கும் உண்டு.  


அந்த இடத்தை சேர்ந்த உடன் மேலதிக துருப்புகளை பெற ஐபோன் எடுப்பது ஒரு குறையாக சொல்லப்படுகிறது. பழமையையும் புதுமையும் இணைத்துப்பார்க்க முடியாமல் தவிப்பதால் இந்த காட்சிப்பிழை விமர்சகர்களுக்கு. ஹெலிகாப்டரில் வந்து சேரும் உதவிகளை வைத்து நேரடியாகவே இங்கு வந்திருக்கலாமே ஹெலிகாப்டரில் என்று சொல்பவர்களும் உண்டு இந்த இடத்தை கண்டுபிடிச்ச பின்பு தான் இங்கே சோழர்கள் இருக்கின்றர் என்றே அறிய முடிகிறது. 


மைன்ஸ் கொஞ்சம் லாஜிக் மீறல்களே அவையும் மறக்கூடியவைகளே. மொத்தத்தில் ரசிகர்களுக்கு நல்ல விருந்தே இந்த படம்.

வேட்டைக்காரன் - வேட்டையாடுகிறான் நம்மை

நடிகர்கள்: விஜய் , அனுஷ்கா மற்றும் பலர்
இசை:விஜய் ஆண்டனி
இயக்கம் : பாபு சிவன்
தயாரிப்பு:ஏவிஎம்
வெளியீடு :சன் பிக்சர்ஸ்

தூத்துக்குடியில் வசிக்கும் 4 முறை எழுதி +2 பாஸ் செய்யும் ரவி என்கிற போலீஸ் ரவி , இவருடைய லட்சியமெல்லாம் இவரை இம்ப்ரஸ் செய்த தேவராஜ் ஐபிஎஸ் எனும் போலீஸ் அதிகாரியை போல் ஆக வேண்டும் என்று. மூச்சுக்கு முன்னூறு தடவை தேவராஜ் புகழ் பாடுகிறார் வீட்டுக்கு வெளியே 50 அடியில் கட்டவுட் வைக்கும் அளவுக்கு பற்று.ஊருக்குள்ள போலீஸ் முதல் எல்லோரையும் பின்னி பெடலெடுக்கிறார் அங்கே போடுகிறார் ஒரு பாட்டு நான் அடிச்சா தாங்க மாட்ட பாட்டின் ஓப்பனிங்கில் ஒரு பில்லரை கையால் பதம் பார்க்க கம்பியை மட்டும் விட்டு விட்டு பில்லர் பொல பொலவென உதறுகிறது.(ஒரு பானை சோற்றுக்கு ஒரு சோறு பதம்)


ஒரு வழியாக 4 வது அட்டம்ப்டில் பாஸாகி தேவராஜ் படித்த கல்லூரியில் படிக்க சென்னை செல்கிறார். சென்னை செல்லும் வழியில் ரயில்வே ஸ்டேசனில் சுசிலாவை காண்கிறார் காதல் கொள்கிறார். சுசிலாவை மடக்க அவருடைய பாட்டிக்கு ப்ராக்கெட் போடுகிறார். சென்னை செல்லும் ரவி ஆட்டோ ஓட்டிக்கொண்டே படிப்பை தொடர்கிறார் அவருடைய ஆதர்ஷ நாயகன் தேவராஜ் போல.

செல்லானு ஒரு ரௌடி சென்னையை கைக்குள் வச்சிருக்கான் அவன் ஒரு பொண்ணை ஆசைப்பட்டால் அவளுடைய குடும்பத்திற்கு டார்ச்சர் கொடுத்து பொண்ணை அடைந்துவிடுவான். ஒரு சாம்பிளும் காட்டப்படுகிறது. விஜயின் வகுப்பு தோழியாக வரும் உமா(தீபிகா படுகோன் தங்கச்சி ஆனாலும் அட்ராக்சன் இல்லை). இவருடைய தந்தையின் டிராவல்ஸில் ஆட்டோ வாடகைக்கு ஓட்டுகிறார். செல்லா உமாவை பாக்க்க ஆசைப்பட அதைக்கேட்டு பொங்கி எழும் விஜய் வில்லன் அன்கோவை துவம்சம் செய்கிறார் . செல்லா அடிவாங்கி ஓய்ந்தார் ஒரு வழியா படம் முடிஞ்சுச்சுனு பார்த்தா அங்க தான் வேட்டைக்காரன் ஆரம்பிக்கிருறார்.

போலீஸ் பலம் கொண்டு செல்லாவின் அப்பா வேதநாயகம்(இன்னொரு வில்லன் உஷ் அப்பா) ரவியை என்கவுண்டரில் போட ரெடி செய்கிறார். என்கவுண்டரில் வழக்கம் போல தப்பிக்கும் ரவி அவரைப்போலவே வேதநாயகம் அன்கோவால் பாதிக்கப்பட்டிருக்கும் தேவராஜ் உடன் சேர்ந்து மானாவாரியா வில்லன் கோஷ்டிகளை பந்தாடுகிறார். சிட்டியை க்ளின் செய்கிறார்.எங்கோ கேட்ட இல்லை இல்லை பார்த்த கதை மாதிரி இருக்கா ம்ம்ம் கொஞ்சம் திருப்பாச்சி, போக்கிரி, வில்லு எல்லாம் கலந்த கலவை தான்.ஆதியையும் சேர்த்துக்கங்க.

படத்தில் குறிப்பிட தகுந்த அம்சம் அனுக்‌ஷா தான் செம பிகருங்க. நல்லா இருக்கார் பாட்டிற்கும் சில சீன்களுக்கும் வந்து போகிறார். படம் முழுக்க விஜயை சுத்தி நகருகிறது. நிறைய அறிமுகம் இல்லாத முகங்கள் என்பதால் விஜயை வளைத்து வளைத்து காமிரா காட்டியிருக்கிறது.

வில்லன் போலீஸா வரும் ஷாயாஷி சிண்டே பெருசா ஒன்னுமில்ல அங்க அங்க வரும் மனோபாலாவும் சிரிப்புக்கு உதவவில்லை. விஜய் கூடவே ஒட்டிக்கொண்டிருக்கும் சத்யனும் சிரிக்க வைக்கவில்லை ஆனாலும் விஜய் அந்த வேலையை ஒழுங்கா செய்யுறாரு.

பாடல்கள் நல்லா இருக்கு கேக்கவும் பாக்கவும். ஆனாலும் பாடல்களில் ஆட்டம் குறைவு . பஞ்ச் டயலாக்குகளும் காணோம் ஒரு வேளை சன் டிவி போட்ட கத்திரியில் காணம போச்சோ.

நிறைய புல்லட்டுகளிலும் , நிறைய கத்திகளிலும் தப்பிச்சு ஹீரோயிசத்தை நிறுபிக்கின்றார் விஜய். விஜய் அதே எனர்ஜியோடு இருக்கிறார். ஆனாலும் காலேஜ் போயி படிப்பதெல்லாம் ஓவரு. முரளிக்கு அப்புறம் ரெம்ப காலமாக காலேஜ் போனவர்களின் சரித்திரத்தில் இடம் பிடிக்கின்றார் விஜய்.

வேட்டைக்காரன் நம்மை வேட்டையாடுகிறான்.

பேராண்மை - விமர்சனம்

இயக்கம் : எஸ்.பி.ஜனநாதன்
இசை:வித்யாசாகர்
தயாரிப்பு: ஐங்கரன்
நடிப்பு : ‘ஜெயம்’ ரவி , வடிவேலு , ஊர்வசி , வசுந்தரா , சரண்யா , வசுந்தரா , தனுஷிகா , லியாஸ்ரீ மற்றும் பலர்.

கல்லூரி மாணவிகள் தங்களுடைய என்.சி.சி பயிற்சிக்காக ஒரு கல்லூரிக்கு வருகின்றனர். அதில் 5 பேர் கதையின் நாயகிகள். அவர்களுடைய பேராசிரியராக ஊர்வசி. அந்த கல்லூரியின் வார்டனாக வடிவேலு. அவர்களுக்கு பயிற்சி அளிக்கும் பாரஸ்ட் ரேஞ்சராக துருவன் என்னும் கதாபாத்திரத்தில் ஜெயம் ரவி. அவருடைய மேலதிகாரியாக பொன்வண்ணன்.

துருவன் மலைவாழ் மக்களில் படித்து முன்னேறிய ஓர் இளைஞன். மாணவிகளில் 5 பேருக்கு அவருடைய தாழ்ந்த நிலை பிடிக்கவில்லை அதை வைத்து அவரை டீஸ் செய்கின்றனர். அதில் ஒருவருக்கு (சரன்யா) துருவன் மேல் காதல் ஏற்படுகிறது.அந்த 5 மாணவிகளையும் தனிப்பயிற்சிக்காக காட்டினுள் அழைத்து செல்கிறார் துருவன். ஒரு மாணவியின் துடுக்கு தனத்தால் பாதை தவறி காட்டினுள் அகப்பட்டுக்கொள்கின்றனர். அப்பொழுது அவர்களுக்கு , இந்திய செயற்கோள் ஏவுவதை தடுக்க ஒரு அயல்நாட்டு கும்பல் முயலுகிறது அதை தடுத்து எவ்வாறு செயற்கோளை காத்தார் என்பதே கதை.

மாடர்ன் மாணவிகள் என்பதற்காக பெண்களை இப்படி காட்சிப்பொருளாக்கியிருக்க வேண்டாம். 5 பெண்களையும் குறைவான உடையில் அலையவிட்டுவிட்டார் இயக்குநர். அதிலும் அருவி பாடலில் ரெம்ப மோசம். அதைவிட மோசம் அவர்களின் உரையாடல். மார்டனை காட்ட வேண்டும் என்பதற்காக இப்படியா?
பெண்கள் அடிக்கும் லூட்டி நமக்கு களைப்பு ஏற்படுத்தவில்லை என்பதை ஒத்துக்கதான் வேண்டும்.படத்தில் ஏகப்பட்ட இடங்களில் நீளமான வாய்ஸ் சென்சார், அதில் பெரும்பாலும் மலைவாழ் மக்களை மேலதிகாரியும் மாணவிகளும் கிண்டல் செய்யும் வசனங்களாக தெரிகிறது.

முதல் காட்சியிலே கோவணத்துடன் நிற்கிறார் ரவி. உடலை முறுக்கேற்றி அட்டகாசமாக இருக்கிறார் இந்த சாக்லேட் பாய். நல்ல உழைப்பு தெரிகிறது. பெண்களும் , மேலதிகாரியும் எவ்வளவு தான் டீஸ் செய்தாலும் அதை பணிவோடு எதிர்கொள்ளும் நடிப்பு இயல்பாக உள்ளது. சபாஷ் ரவி உங்க கேரியரில் ஒரு நல்ல படம் இது.

காட்டிற்குள் செல்லும் பெண்களுக்கு ஆயுதங்களுக்கு பற்றி அறிமுகம் அளிக்கிறார் நல்ல தமிழில் ரவி மூலமாக இயக்குநர் நமக்கும் அது அறியும் வகையில் உள்ளது. இந்திய ராக்கெட்டை அழிக்க வரும் கும்பலின் தலைவனாக ஹாலிவுட் நடிகர் ரொனால்ட் நடித்துள்ளார். அதிகமாக பயன்படுத்தவில்லை என்றே தோனுது.

காட்டிற்குள் நடக்கும் இறுதி சண்டையில் அதிகமாக சிஜி பயன்படுத்தப்படிருக்கு ஆனாலும் அந்த காட்சி ஏதோ தாறுமாறாக இருப்பது போல் இருக்கிறது.

வசனங்களில் சாட்டையடி

“படிக்கலைனா தான் அடிப்பாங்க இவங்க படிச்சாலே அடிக்கிறாங்க” மலைவாழ் சிறுவன் சொல்வது

“இந்த மலையையும் ரியல் எஸ்டேட் போட்டிங்களா” மலைவாழ் ஒருவர்

“தமிழனோட வீரத்தை உலகமே பாக்குது” ரவி சொல்வதாக புலிகளை நினைத்து

நிறைய சமதர்ம, பொருளாதார கருத்துக்கள் வசனங்களா இருக்கிறது.

5 பெண்களை வைத்துக்கொண்டு ஒரு 16 பேர் கொண்ட அதிநவீன ஆயுதங்கள் கொண்ட டீமை அழிப்பது நம்ம வியப்பை அளித்தாலும் அதற்கான ஆரம்ப சண்டை நல்ல லாஜிக் உடையது.

படத்தில் எல்லாமே போதிக்கப்படுவது போல் இருப்பதும் கொஞ்சம் போர் அடிக்கிறது. பாடல் படத்திற்கு தேவையில்லை என்றாலும் அந்த சதானசர்ஹம் பாடல் இனிமை. காட்டுப்புலி அடிச்சு பாடலும் சமதர்ம கருத்தோடு வருகிறது.

கடைசியாக ரவியின் உழைப்பை நயவஞ்சக மேலதிகாரி திருடி பட்டம் வாங்குவதாக காட்டியிருப்பது சூப்பர்ப்.

இன்னும் கொஞ்சம் மெனக்கெட்டிருக்கனும். இருந்தாலும் பல இடங்களில் நல்ல ஆங்கிலப்பட த்ரில் இருந்தது உண்மை. இவாறான கதை எல்லோருக்கும் பிடிக்குமா என்பது மற்றுமொரு கேள்விக்குறி. எனக்கு பிடிச்சிருந்தது,

பேராண்மை - சிவப்பாய் மிளிர்கிறது.
நன்றி

ஆதவன் - திரை விமர்சனம்

இயக்கம் : கே எஸ் ரவிக்குமார்
இசை : ஹாரீஸ் ஜெயராஜ்
நடிப்பு : சூர்யா , நயன்தாரா , வடிவேலு , சரோஜா தேவி

வளர்ப்பு தந்தையிடம் கூலிப்படையா இருக்கிறார் சூர்யா(ஆதவன்). லோக்கலில் ஆரம்பிச்சு இண்டர்நேஷனல் லெவல் மர்டர் வரை முடிக்கிறார் சூர்யா. குழந்தைகளை கொன்று உடல் உறுப்புகளை வெளிநாட்டுக்கு விற்பனை செய்யும் கும்பலை கண்டுபிடிக்க அமைக்கப்படும் ஒரு நபர் கமிஷன் நீதிபதியாக மறைந்த மலையாள நடிகர் முரளி. அவரை கொல்லும் அசைன்மெண்ட் சூர்யா அன் கோவிடம் ஒப்படைக்கப்படுகிறது. அவரை கொல்ல சூர்யா செய்யும் முயற்சிகளே கதை.

முரளியை காலிசெய்ய அவரது வீட்டிற்குள் நுழைய வடிவேலுவை பயன்படுத்தி ஒரே நகைச்சுவை கலாட்டா தான். கொஞ்ச நேரத்துல யாரு ஹீரோனே தெரியாத அளவுக்கு வடிவேலு படம் முழுக்க வந்த அமர்க்களப்படுத்துகிறார். முரளியின் தங்கை மகளாக நயந்தாரா. வழக்கம்போல பாடலுக்கும் கவர்ச்சிக்கும் தொட்டுக்கொள்ளப்பட்டிருக்கிறார். நல்லவேளை கவர்ச்சியை குறைத்துள்ளார். ஆனாலும் பாக்க சகிக்கல வேற ஹீரோயினை தேடுங்கப்பா தமிழ் இயக்குநர்களே. முரளியின் அம்மாவாக சரோஜாதேவி, அதே இழுத்து பேசும் தமிழ் நம்மைத்தான் பாடாய் படுத்துது.

சூர்யாவை வளர்க்கும் அப்பாவகா சாயாஷி ஷிண்டே அவரைப்பார்த்தாலும் காமெடி தான் தோனுது. அவரின் மகனாக ஆனந்த் பாபு(நாகேஷ் மகன்). நெடுநாளைக்கு பிறகு ஆரம்ப பாடலில் தன்னுடைய நடனத்திறனை வெளிப்படுத்தியுள்ளார்.

முரளியை கண்டவுடன் அவர் தான் தன்னுடைய அப்பா என்று அறியும் சூர்யா அவரை காக்க முயற்சிகள் மேற்கொள்வது செம லாஜிக் மீறல். அதைவிட கொடுமை கடைசி சண்டைக்காட்சி வில்லு, குருவி விஜயை தூக்கி சாப்பிடும் அளவுக்கு காதில் பூ. முடியல....

கே.எஸ்.ரவிக்குமார் படமென்றால் சகல மசாலாக்களும் இருக்கும் என்பது அறிந்ததே அதிலும் இந்த படத்தில் மசாலா ஓவர் டோஸ். செலவு பெருசா ஒன்னுமில்லை. ஒரு குடும்பம் நிறைய கல்கத்தா சாரி கொல்கத்தா என படம் நகர்கிறது. ஒரு பெரிய நட்சத்திரப்பட்டாளமே இருந்தாலும் சிலருக்கு ஒன்லைன் வசனங்களோடு நிறுத்திவிட்டார். எல்லோரையும் பேசவிட்டா மெக சீரியல் ஆயிடுமோனு.

10 வயது சூர்யாவாக நடித்திருக்கும் காட்சிகள் கிராபிக்ஸ் கலக்கல் நல்லா செய்திருக்காங்க.

60களில் எம்ஜிஆர் , 70களில் ஜெய்சங்கர் , 80 களில் ரஜினி,கமல் , ரீசண்டா விஜய் போன்றோர் நடித்த அதே பழைய கதை காதில் பூ சுற்றும் வேலை. விஜய் யாக முயற்சிக்கிறார் சூர்யா. நல்லா தானே போய்கிட்டு இருந்தது ஏன் இப்படி சூர்யா தயவு செய்து கதைகளில் கவனம் செலுத்துங்க.

படத்தின் இரண்டு ஆறுதல் 1. சூர்யா - பின்னி பெடல் எடுக்கிறார் சகலமும் வருகிறது மனுசனுக்கு நல்ல நடிகன் அவர். 2.வடிவேலு - அய்யா உங்க ரவுசு தாங்க முடியல.

ஹாரீஸ் இசையில் இரண்டு பாடல்கள் இனிக்கிறது.

மொத்ததுல ஆதவன் ஆயிரம் கைகள் மறைக்கப்பட்டுள்ளான்.

நன்றி
மணி